كۆمپانیا به‌ناوبانگه‌كانی مۆبایل ڤۆدافۆن و نۆكیا له به‌رنامه‌یاندا هه‌یه بۆ ساڵی 2019 تۆرێكی مۆبایلی ته‌كنه‌لۆژیا له سه‌ر مانك دابمه‌زرێنن .
ماڵپه‌ری بی بی سی ئاشكرایده‌كات ئه‌م تۆره ته‌كنه‌لۆژیایه‌ی ده‌چێته سه‌ر مانگ رێگا به دوو گه‌رۆك ده‌دات ڤیدیۆ به كوالیتی به‌رز بۆ وێستگه‌یه‌ك بگوازنه‌وه و دواتریش بۆ سه‌ر زه‌وی .
زانا و ئوندازیار له گروپی PTScients " كه‌یت ئاركلیس گره‌ی" رایگه‌یاندووه له رێگه‌ی ئه‌و دوو گه‌رۆكه‌ی ده‌نێردرێن بۆ سه‌ر مانگ ده‌توانین رێژه‌یه‌كی زۆر له داتای زانستی و ڤیدیۆ و وێنه‌ی كوالیتی به‌رز كۆ بكه‌ینه‌وه .
گره‌ی وتیشی له‌به‌ر ئه‌وه‌ی راسته‌وخۆ ناتوانن داتاكان له گه‌رۆكه‌كانه‌وه بنێرنه سه‌ر زه‌وی ، سه‌ره‌تا داتاكان ده‌نێرنه وێستگه‌كه كه وزه‌یه‌كی زۆری تێدایه له‌وێشه‌وه بۆ سه‌ر زه‌وی به‌م شێوه‌یه ڤیدیۆیه‌كی راسته‌وخۆیان له‌سه‌ر مانگه‌وه ده‌ست ده‌كه‌وێت .
جێی باسه كۆمپانیای ڤۆدافۆن له لایه‌ن هه‌ریه‌ك له " هێرنێست گاریسن " و " گێری وێنت گ ه‌وه له ساڵی 1991 دامه‌زراوه كه باره‌گای سه‌ره‌كی له له‌نده‌نه ، كۆمپانیای نۆكیا له ساڵی 1865 له لایه‌ن " " فرێدریك ئیدستام و لیۆ مێچیلین " دامه‌زراوه و باره‌گای سه‌ره‌كی له فینله‌ندایه .
کۆمێنت (0)
تا ئێستا هیچ کۆمێنتێک نەکراوە.