خانمه هونه‌رمه‌ندی باكووری كوردستان " دیله‌ك ئه‌رسه‌لان " له ساڵی " 2008 " ه وه ده‌ستی به‌كاری هونه‌ری كردووه و زۆریش سه‌رسامه به خه‌ڵكی هه‌رێمی كوردستان به شێوه‌یه‌ك به عاشقانی راسته‌قینه‌ی هونه‌ر وه‌سفیان ده‌كات .
ئه‌و هونه‌رمه‌نده ساڵانێكه له بواری گۆرانی و میوزیكدا خزموتێكی به‌رچاوی پێشكه‌ش به هونه‌ری كوردی كردووه ، هه‌روه‌ها به‌شداری چالاكی و ئاهه‌نگ و بۆنه‌كانی كردووه و تا ئێستاش خاوه‌نی 5 كلیپی گۆرانییه .
دیله‌ك ئاشكرایده‌كات كه زۆر دڵی به خه‌ڵكی هه‌رێمی كوردستان خۆشه له‌به‌ر ئه‌وه‌ی ئه‌وان له هه‌ر كوردێكی به‌شه‌كانی دیكه‌ی كوردستان زیاتر عاشقی هونه‌رن .
یه‌كێك له ئومێده‌كانی ئه‌و هونه‌رمه‌نده ئه‌وه‌یه گۆرانییه‌كی دوێت له‌گه‌ڵ هونه‌رمه‌ند عه‌بدولقادر زاخۆیی بچرێت ، ده‌شلێت تا ئێستا هیچ گۆرانییه‌كی دوێتی نییه .
کۆمێنت (0)
تا ئێستا هیچ کۆمێنتێک نەکراوە.