بڕیارە سبەی دووشەم شاندێكی كۆریای باشوور بە فەرمی بگەنە بیۆنگ یانگی پایتەختی كۆریای باكور و بەرپرسانی هەردوولا تاوتوێی كێشە و ئاڵۆزییەكانی نێوان هەردوو وڵات بكەن، هاوكات نێوەندگیری نێوان ئەمەریكا و كۆریای باكوریش دەكەن ، كە دوای تاقیكردنەوە ئەتۆمییەكانی كۆریای باكور پەیوەندیەكانی واشنتن و بیۆنگ یانگیان بە تەواوی ڕووی لە خراپبوون كردووە.
ئاژانسی هەواڵی ڕۆیتەرز لە زاری بەرپرسانی ئەمەریكا بڵاویكردەوە، سبەی دووشەم شاندێكی كۆریای باشوور بۆ تاوتوێكردنی كێشەكانی نێوان هەردوولا وڵات و ئاسایی كردنەوەی پەیوەندیەكانیان، دەگەنە بیۆنگ یانگی پایتەختی كۆریای باكور.
شاندەكەی كۆریای باشوور بەرەو ئەمەریكا بە ڕێدەكەون و قسەی بەرپرسانی بیونگ یانگ بە واشنتن دەگەیەنن.
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.