بریاری له سێداره‌دانی خوشكی ئه‌بوبه‌كر به‌غدادی، سه‌رۆكی رێكخراوی تیرۆریستی داعش له‌لایه‌ن دادگایه‌كی عێراقه‌وه په‌سندكرا.
عه‌بدولستار به‌یره‌قدار، وته‌بێژی فه‌رمی ئه‌نجومه‌نی دادگای باڵای عێراق رایگه‌یاند:دادگا چاوی به دۆسییه‌ی خوشكی ئه‌بوبه‌كر به‌غدادی، سه‌رۆكی رێكخراوی تیرۆریستی داعش خشاندۆته‌وه كه ئه‌ندامه له رێكخستنه‌كانی داعش.
هه‌روه‌ها وته‌بێژی فه‌رمی ئه‌نجومه‌نی دادگای باڵای عێراق گوتی: تۆمه‌تبار دانی ناوه كه سه‌ربه رێكخستنه‌كانی داعشه‌و و هاوكاری لۆجیستی چه‌كدارانی داعشی كردووه ،له هه‌مانكاتیشدا هاوسه‌ره‌كه‌ی یه‌كێك بووه له سه‌ركرده‌كانی داعش و بریاری له سێداره‌دانی به‌سه‌ردا سه‌پێنراوه.
به‌یره‌قدار روونیشیكرده‌وه، كه بریاری له‌سێداره‌دانه‌كه‌ی خوشكی به‌غدادی به پێی مادده‌ی چوار له یاسای دژه تیرۆر بووه.
ئاماده‌كردنی: رزگار
سه‌رچاوه: سۆمه‌رییه
کۆمێنت (0)
تا ئێستا هیچ کۆمێنتێک نەکراوە.