جێگری سه‌رۆك كۆماری عێراق له‌گه‌ڵ جێگری یه‌كه‌می سه‌رۆكی كۆماری ئیسلامی ئێران كۆبووه‌وه‌و جه‌ختیان له په‌ره‌پێدانی هاوكارییه‌كان له بواری نه‌هێشتنی تیرۆر كرده‌وه.
ئه‌مڕۆ پێنج شه‌ممه 8-3-2018 نوری مالیكی،جێگری سه‌رۆك كۆماری عێراق له‌گه‌ڵ ئیسحاق جیهانگیری ، جێگری یه‌كه‌می سه‌رۆكی كۆماری ئیسلامی ئێران كۆبووه‌وه.
به‌پێی راگه‌یه‌ندراوێكی نووسینگه‌كه‌ی جێگری سه‌رۆك كۆمار ، سه‌رله‌به‌یانی ئه‌مرۆ نوری مالیكی، جێگری سه‌رۆك كۆماری عێراق پێشوازی له ئیسحاق جیهانگیری ، جێگری یه‌كه‌می سه‌رۆكی كۆماری ئیسلامی ئێران كردووه.
له‌دیداره‌كه‌دا هه‌ردوولا گفتوگۆیان له باره‌ی پته‌وكردنی په‌یوه‌ندییه‌كانیان له زۆربه‌ی بواره‌كان كردووه، به تایبه‌تی له بواره‌كانی سیاسی و ئه‌منی و ئابووری، له هه‌مانكاتیشدا جه‌ختیان له په‌ره‌پێدانی هاوكارییه‌كان له بواری نه‌هێشتنی تیرۆر كردۆته‌وه.
ئاماده‌كردنی: رزگار
سه‌رچاوه: به‌غدا ئه‌لیۆم
کۆمێنت (0)
تا ئێستا هیچ کۆمێنتێک نەکراوە.