بەرپرسێكی ناوەخۆی پارێزگای موسڵ رایگەیاند كە ژمارەیەكی زۆری سەركردە باڵاكانی داعش لە ژێر زەوی و ناو تۆنێلەكان لە ناوچەكانی رۆژئاوای شاری موسڵ و كەناراوەكانی رووباری دیجلە خۆیان حەشارداوە و دەزگا ئەمنییەكانیش هەڵمەتێكی فراوانیان دەستپێكردووە بۆ دۆزینەوەیان .
حسام عەبار ئەندامی ئەنجومەنی پارێزگای نەینەوا روونیكردەوە كە ئەو سەركردانەی داعش تا ئێستا لە ناو شاری موسڵ ژیان بە سەر دەبەن لە نێو تۆنێلەكانی ژێرزەوی لە ناوچەكانی رۆژئاوای شارەكە ، كە ئەو ناوچانە زۆر بەرزی و نزمی تیایە و ئاسان نییە دۆزینەوەیان .
راشیگەیاند كە كەناراوەكانی رووباری دیجلە بەهەمان شێوە بۆتە مۆڵگەی تیرۆریستانی داعش بەتایبەتی لەنێو دارستانەكان . پێشتریش حكومەتی خۆجێیی موسڵ ئاشكرایكرد كە بەشێك لە ئەندامانی داعش لە موسڵ بە ناسنامەی ساختەوە دزە دەكەن بۆ ناو خەڵك
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.