كاتێك ده‌رگای قوتابخانه‌كان ده‌كرێنه‌وه و منداڵه‌كانمان بۆ وه‌رگرتنی زانیاری و زانست ده‌نێرین بۆ قوتابخانه ، بێگومان ئه‌و منداڵانه كاتێكی زۆر له قوتابخانه ده‌مێننه‌وه .
به پێی تازه‌ترین توێژینه‌وه بۆ ئه‌وه‌ی منداڵان له خوێندنیاندا سه‌ركه‌وتوو بن ،هه‌ندێك جار پێویسته دایكان و باوكان له ماڵه‌وه به‌شداری له ژیانی منداڵه‌كانیان بكه‌ن .
له ئه‌نجامی توێژینه‌وه‌یه‌كدا كه كۆمه‌ڵێك له زانكۆكانی ئه‌مریكا له نێوانیاندا زانكۆی " نۆرس كارۆلاینا" ئه‌نجامیان داوه ، ده‌ركه‌وتووه رۆڵی دایكو باوك له ماڵه‌وه كاریگه‌ری راسته‌وخۆی هه‌یه له سه‌ركه‌وتنی منداڵ له قوتابخانه.
بۆ ئه‌وه‌ش 40 مامۆستای به ئه‌زموون داوایان لێكراوه رێنمایی بده‌نه كه‌سو كاری منداڵ بۆ ئه‌وه‌ی له ژیانی منداڵه‌كانیاندا به‌شدار بن له ماڵه‌وه .
لێره‌دا مامۆستا به ئه‌زموونه‌كان داوا له دایك و باوكان ده‌كه‌ن هه‌وڵ بده‌ن رۆژانه كاتێكی تایبه‌تی خۆیان بۆ منداله‌كانیان ته‌رخان بكه‌ن و له‌گه‌ل منداله‌كانیان دابنیشن و گوێیان لێبگرن و چیرۆكیان بۆ بگێرنه‌وه .
کۆمێنت (0)
تا ئێستا هیچ کۆمێنتێک نەکراوە.