سەرلەبەیانیی ئه‌مرۆ هەینی 16/3/2018، هێزێکی گەورەی سوپای عێراق لە باشووری رۆژهەڵاتی شارۆچکەی روتبە لە پارێزگای ئەنبار دەستیان بە ئۆپەراسیۆنێک بۆ سەر پاشماوەی چەکدارانی داعش لە سنوورەکە کردووە.
هەروەک میدیا عێراقییەکان باسی دەکەن، چەکدارانی داعش هێرشێکی فراوانیان کردووەتە سەر ئەو هێزە عێراقییانە و بەهۆیەوە حەوت سەرباز کوژراون و زیاتر لە حەوتی دیکەش بریندار بوون.
ئەو هێرشە فراوانەی داعش و جموجۆڵە رۆژانەکانی ئەو رێکخراوە تیرۆریستییە لە شارەکانی عێراق لە کاتێک دایە، کە حەیدەر عەبادی، سەرۆک وەزیرانی عێراق لە مانگی 12ـی ساڵی رابردوو رایگەیاند، هەموو خاکی عێراقی لە داعش رزگار کردووەتەوە و ئەو رێکخراوە لە عێراق نەماوە.
کۆمێنت (0)
تا ئێستا هیچ کۆمێنتێک نەکراوە.