به‌رپرسانی ئه‌منی كابوڵی پایته‌ختی ئه‌فغانسان پشتڕاستیان كردووه‌ته‌وه كه هێرشبه‌رێك به نارنجۆك هێرشی كردووه‌ته سه‌ر سه‌نته‌رێكی فێركاریی له رۆژئاوای كابوڵ و بوو به هۆی برینداربوونی 6 كه‌س .
جێگری وته‌بێژی وه‌زاره‌تی ناوخۆی ئه‌م وڵاته رایگه‌یاند: كه هێرشه‌كه پێش نیوه‌ڕۆی ئه‌مڕۆ یه‌كشه‌ممه روویداوه و ئاشكراشی كرد كه خودی هێرشبه‌ره‌كه دوای ته‌قاندنه‌وه‌ی نارنجۆكه‌كه كوژراوه و وتیشی تا ئێستا نه‌زانراوه كه هێرشبه‌ره‌كه تیرۆریست بووه یان نا.
به‌رپرسێكی وه‌زاره‌تی ته‌ندرووستیی ئه‌فغانستانیش وتی كه 6 كه‌س به‌هۆی ئه‌م رووداوه برینداربوونه چوار كه‌سیان ئافره‌ت بوون و ئه‌وانیش ره‌وانه‌ی نه‌خۆشخانه كراون.
گروپی تاڵیبانیش به‌رپرسیارێتیی ته‌قینه‌وه‌كه‌ی نه‌گرته ئه‌ستۆی خۆی و رایگه‌یاندووه كه هیچ په‌یوه‌ندیی به رووداوه‌كه‌وه نییه.
سه‌رچاوه / بی بی سی
مه‌سعود / كوردستان تی ڤی
کۆمێنت (0)
تا ئێستا هیچ کۆمێنتێک نەکراوە.