به‌گوێره‌ی هه‌واڵێكی رۆیته‌رز سه‌رله‌به‌یانی ئه‌مڕۆ دووشه‌ممه به‌لایه‌نی كه‌م دوو كه‌س هێرشیان كرده سه‌ر باڵیۆزخانه‌ی توركیا له دانیمارك و ئاگریان هه‌ڵدایه ناو بینای شوێنه‌كه.
به‌گوێره‌ی هه‌واڵه‌كه ئه‌و دوو كه‌سه ئاگر پڕژێنی ده‌ستكردیان فڕێداوه‌ته ناو بینای باڵیۆزخانه‌ی توركیا له كۆپنهاگنی پایته‌ختی دانیمارك، به‌ڵام چونكه بیناكه چۆڵ و به‌تاڵ بووه له كارمه‌ند، هیچ بریندار و كوژراوی لێنه‌كه‌وتووه‌ته‌وه.
تا ئێستا هیچ كه‌س له‌سه‌ر ئه‌م هێرشه ده‌ستگیر نه‌كراوه و هیچ كه‌س و لایه‌نێكیش به‌رپرسیارێتیی كرده‌وه‌كه‌ی نه‌گرتووه‌ته ئه‌ستۆ، به‌ڵام پۆلیس سه‌رقاڵی ئه‌نجامی لێكۆڵینه‌وه‌یه له‌سه‌ر ئه‌نجامده‌رانی ئه‌م كرده‌وه‌یه.
سه‌رچاوه / رادیۆ فه‌ردا
مه‌سعود / كوردستان تی ڤی
کۆمێنت (0)
تا ئێستا هیچ کۆمێنتێک نەکراوە.