له‌میانى به‌ڕێوه‌چوونى یاری دۆستانه‌ى هه‌ڵبژارده‌كان ، ڕۆژى هه‌ینى داهاتوو كه‌ده‌ستپێكى یارییه‌كانى هه‌ڵبژارده‌كانه كه‌تێیدا چه‌ندین ڕووبه‌رووى به‌هێز له‌خۆ ده‌گرێت ، ڕۆژى هه‌ینى له‌كاتژمێر 10:45 شه‌و به‌كاتى هه‌ولێر له‌وڵاتى سویسرا ، هه‌ردوو هه‌ڵبژارده‌ى میسر و پورتوگال به‌یه‌ك ده‌گه‌ن
هیكتۆر كوپه‌رى ئه‌رژه‌نتینى و راهێنه‌رى هه‌ڵبژارده‌ى میسر ڕایگه‌یاند بۆ ئه‌م یارییه پلانمان داناوه له‌ڕاگرتنى ڕۆناڵدۆ كه‌له‌یارییه‌كه نه‌توانێ ئه‌نجام و ڕۆڵى باش بۆ پورتوگال بگێڕێت
، ئه‌و ڕاهێنه‌ره ڕاشیگه‌یاند پورتوگال هه‌ڵبژارده‌یه‌كى به‌توانا و دیاره ئه‌ستێره‌ى باشى تێدایه له‌وانه ڕۆنالدۆ كه‌له‌ئێستادا باشترینى جیهانه ، ئێمه ده‌مانه‌وێت له‌م یاریه دیار بین و ئاستێكى باش نیشان بده‌ین
ئه‌نجامدانى یاری دۆستانه‌ى نێوان هه‌ردوو هه‌ڵبژارده‌كه له‌پێناو ئاماده‌ی باشى هه‌ردوو هه‌ڵبژارده‌یه بۆ یارییه‌كانى جامى جیهانى ڕووسیا كه‌یارییه‌كانى مۆندیال له‌مانگى شه‌ش به‌ڕێوه‌ده‌چێت وڵاتى ڕووسیا میواندارى كردووه .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.