دوای ئه‌نجامدانى تیروپشك بۆ یانه سه‌ركه‌وتووه‌كانى قۆناغى هه‌شتى خولى یانه پاڵه‌وانه‌كانى ئه‌وروپا ، له‌و قۆناغه هه‌ردوو یانه‌ى ریال مه‌درید و یۆڤانتۆس به‌ریه‌ك كه‌وتن ، كه‌یارى لووتكه‌ى قۆناغه‌كه ده‌بێت هاوشان ڵه‌گه‌ڵ یاری نێوان لێڤه‌رپول و مانچسته‌ر سیتى كه‌ئه‌م دوویاریه به‌هێزترین یارییه‌كانى ئه‌م قۆناغه ده‌بن
له‌سه‌ر یارى نێوان ریال مه‌درید - یۆڤانتۆس ئه‌ستێره‌ى پێشووى هه‌ڵبژارده‌ى ئیتاڵیا ڕۆبێرتۆ باجیۆ لێدوانى له‌سه‌ر ئه‌م یاریه‌دا و ڕایگه‌یاند ، یۆڤى ده‌توانێ به‌ربه‌ستى ریال مه‌درید ببڕێت و سه‌ركه‌وێت بۆ قۆناغى داهاتوو ، باجیۆ ڕاشیگه‌یاند له‌سه‌ركه‌وتنى یۆڤانتۆس دیبالا و هیگواین ده‌توانن ڕۆڵێكى باش ببین بۆ یانه‌كه‌یان له‌پێناو په‌ڕینه‌وه بۆ قۆناغى داهاتوو ، ئه‌و ئه‌ستێره‌یه وێڕای ده‌ست نیشانكردنى یۆڤى به‌براوه‌بوونى به‌سه‌ر ریال ، یانه مه‌دریدیه‌كه‌ى به‌زه‌حمه‌ت دانا ڕایگه‌یاند یانه‌یه‌كى به‌هێزه و دوو وه‌رزه پاڵه‌وانى خوله‌كه‌یه به‌ڵام یۆڤى بۆ ئه‌م وه‌رزه ده‌توانێ سه‌ركه‌وێت ئاماده‌یه بۆ ئه‌م مه‌به‌سته
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.