له‌زگین بۆتان و ئاده‌م گه‌ڤه‌ری په‌رله‌مانتارانی وانی هه‌ده‌په، ، له‌و دۆسیه‌یه‌ی له‌سه‌ری دادگایی ده‌كران بۆتان به 18 ساڵ و هه‌شت مانگ و 15 رۆژ زیندانی سزا درا و، گه‌ڤه‌ریش بێتاوان ده‌رچوو.
له دانیشتنی دادگادا بۆ بڕیاردان له‌سه‌ر ئه‌و دۆسه‌یه‌یه‌ی له‌سه‌ر بۆتان و گه‌ڤه‌ری كرابوویه‌وه به‌تۆمه‌تی تێكدانی یه‌كێتی ده‌وڵه‌ت و یه‌كپارچه‌یی خاكی وڵات ، سوكایه‌تیكردن، ئه‌ندامبوون له رێكخراوی تیرۆریستیی، هاندانی ئاشكرا بۆ تاوانكردن و به‌رهه‌ڵستی كردنی كارمه‌ندی حكوومی له دووه‌مین دادگای سزای قورسی وان به‌ڕێوه‌چوو.
له‌و دانیشتنه‌دا كه تۆمه‌تباران ئاماده‌نه‌بوون، پارێزه‌رانیان ئاماده بوون و تۆمه‌ته‌كانیان ره‌تكرده‌وه و داوایانكرد بێتاوانی بۆ بریكاره‌كانیان ده‌ربكرێت.
شاندی دادگا تۆمه‌تبار بۆتانی به 18 ساڵ و هه‌شت مانگ و 15 رۆژ زیندانی سزادا و، هاوكات بڕیاریدا به بێتاوانی گه‌ڤه‌ر .
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.