گۆرانیبێژی رۆژهه‌ڵاتی كوردستان " ئاریاس جه‌وان " به گۆرانییه‌كی تازه پشتیوانی له خه‌بات و به‌رخودانی خه‌ڵكی عه‌فرین له رۆژئاوای كوردستان ده‌كات .
دوێنێ شه‌ممه رێكه‌وتی 18/3/2018 ئه‌م گۆرانیبێژه له هه‌ژماری تایبه‌تی خۆی له تۆری كۆمه‌ڵایه‌تی ئینستاگرام گرته‌یه‌كی ڤیدیۆیی كه بریتییه له گۆرانییه‌ك بۆ پشتیوانی عه‌فرین بڵاوكردووته‌وه و له سه‌ر گۆرانییه‌كه‌ش ئاماژه‌ی به‌وه كردووه " ئاگری نه‌ورۆزی ئه‌مساڵمان ده‌كه‌ین به ئاگرێك دوژمنی پێ ده‌سووتێنین و دڵنیابن كوردستان هه‌ر لانكه‌ی كورده و هه‌رگیز ناكه‌وێت ن له كۆتاییدا نووسویه‌تی هه‌موومان ده‌نگی بریندار و هاواری عه‌فرینین .
جێی باسه دوای هێرشه‌كه‌ی سوپای توركیا بۆ سه‌ر شاری عه‌فرین زۆریك له هونه‌رمه‌ندان و گۆرانیبێژان به گۆرانی و به‌رهه‌می هونه‌ری دیكه چشتیوانی خۆیان بۆ خه‌لكی ئه‌م شاره ده‌ربریوه .
کۆمێنت (0)
تا ئێستا هیچ کۆمێنتێک نەکراوە.