به‌ڕێوه‌به‌رایه‌تی گشتی حه‌ج و عومره ئاگاداریه‌ك ئاراسته‌ی ئه‌و كه‌سانه ده‌كات كه ناویان له‌پڕۆسه‌ی حه‌جی ئه‌مساڵ 2018 ده‌رچووه، به‌تایبه‌تی هاوڵاتیانی سنوری پارێزگای سلێمانی و هه‌ڵه‌بجه و ئیداره‌ی گه‌رمیان.
له راگه‌یه‌نراوه‌كه‌دا هاتووه: ئه‌و هاوڵاتیانه‌ی ناویان بۆ حه‌جی ئه‌مساڵ ده‌رچووه به‌زووترین كات سه‌ردانی به‌ڕێوه‌به‌رایه‌تی حه‌جی سنووری خۆیان بكه‌ن بۆ ته‌واوكردنی مامه‌ڵه‌ی حه‌ج كردن و دانی پاره‌ی تێچووی حه‌جه‌كه، كه بڕه‌كه‌ی (4,100) چوار هه‌زار و سه‌د دۆلاره و ده‌كاته (41)وه‌ره‌قه.
راشیگه‌یاندووه: هه‌ركه‌سێك له‌به‌رواری دیاریكراو به‌ده‌م داواكه‌ی به‌ڕێوه‌به‌رایه‌تییه‌وه نه‌چێت مافی حه‌جی ده‌فه‌وتێت.
ده‌شلێت: دواكات بۆ دانی پاره‌ی حه‌ج ڕۆژی دووشه‌ممه‌یه كه ده‌كاته ڕێكه‌وتی 2018/4/2.
کۆمێنت (0)
تا ئێستا هیچ کۆمێنتێک نەکراوە.