هه‌لیكۆپته‌رێكی سه‌ربازی ئه‌مه‌ریكا، له ویلایه‌تی كالیفۆرنیا تێكشكا و به‌هۆیه‌وه ته‌واوی تاقمی هه‌لیكۆپته‌ره‌كه، كه چوار كه‌س بوون، گیانییان له ده‌ستدا.
وێبسایتی سی ئێن ئێنی ئه‌مه‌ریكی بڵاویكردووه‌ته‌وه، هه‌لیكۆپته‌ره‌كه سه‌ر به هێزه‌كانی مارێنزی ئه‌مه‌ریكایه و ئه‌مڕۆ له ویلایه‌تی كالیفۆرنیا كه‌وتووه‌ته خواره‌وه و تێكشكاوه.
ئاژانسی هه‌واڵی ئه‌سۆشیه‌تید پرێس بڵاویكردووه‌ته‌وه، هه‌لیكۆپته‌ره‌كه له جۆری سوپه‌ر ستالیۆنه و به مه‌به‌ستی راهێنان هه‌ڵفڕیوه، كاتژمێر 2:30 خووله‌ك، له نزیك شاری سان دیێگۆ كه‌وتووه‌ته خواره‌وه.
به گوێره‌ی ئه‌و ئاژانسه، لێكۆڵینه‌وه له هۆكاری كه‌وتنه‌خواره‌وه‌ی هه‌لیكۆپته‌ره‌كه ده‌ستیپێكردووه و تا ئێستاش ناسنامه‌ی ئه‌و چوار كه‌سه‌ی گیانییان له‌ده‌ست داوه، ئاشكرا نه‌كراون.
کۆمێنت (0)
تا ئێستا هیچ کۆمێنتێک نەکراوە.