21هه‌مین فێستیڤاڵی گه‌لاوێژ به ناوی عه‌فرینه‌وه ده‌ستیپێكرد له‌سه‌ره‌تادا د نه‌وزارد ئه‌حمه‌د به‌ڕێوه‌به‌ری بنكه‌ی ئه‌ده‌بی و روناكبیری گه‌لاوێژ له وته‌یه‌كدا وتی: له‌گه‌ڵ ئه‌و دۆخه ناهه‌مواره‌ی كوردستانی تێكه‌وتوه و بونی قه‌یرانی دارایی خواستی ئێمه زاڵتربوو بۆ ئه‌وه‌ی فێستیڤاڵی گه‌لاوێژ هه‌ر به‌ڕێوه‌بچێت چونكه 21 ساڵه به‌بێ وه‌ستان كراوه ئێمه وتمان به‌بودجه‌یه‌كی كه‌مه‌وه هه‌ر یاده‌كه ده‌كه‌ین و هه‌وڵ ده‌ده‌ین چالاكیه رۆشنبیری و هونه‌ریه‌كان به‌ڕێوه‌بچێت.
خالید دۆسكی وه‌زیری رۆشنبیری و لاوان له وتارێكدا گوتی: یه‌كێك له ده‌ستكه‌وته‌كانی گه‌لاوێژ گه‌یاندنی په‌یامی ئاشتیه، و بڕینی دۆخی داخراوی سه‌رده‌می خۆی بوه‌و ئه‌مڕۆش به‌ناوی عه‌فرین ئه‌م چالاكیه به‌ڕێوه‌ده‌چێت و په‌یامی ئاشتی و به‌رگری به‌رزده‌كاته‌وه.
مه‌لا به‌ختیار وه‌ك سه‌رپه‌رشتیاری گشتی فێستیڤاڵی گه‌لاوێژ گوتی: گه‌لاوێژ له ژانی سه‌رده‌می شه‌ڕی ناوخۆ له‌دایك بوه‌و له‌یه‌كه‌مین ڤستیڤاڵدا به‌ڵێنماندا به‌رده‌وام بین و هه‌تا ئێستاش به‌رده‌وام بووین ، ئه‌وه‌ی گرنگه كه‌گه‌لاوێژ هه‌تا ئێستا سه‌ربه‌خۆیه و ئازاده.
چالاكییه‌كانی ئه‌مرۆ فیستڤاڵ– هه‌ینی6/4/2018
كات 10ی سه‌رله‌به‌یانی:
توێژینه‌وه عه‌ره‌بییه‌كان
دیداری د.فالح عبدالجبار
ته‌وه‌ری: “وه‌رگێڕانی ئه‌ویدی له ڕووی كولتوورییه‌وه”
پانێلی یه‌كه‌م: كات 10 تا 11:15
به‌ڕێوه‌به‌ری پانێل: عه‌بدولڵا تاهیر به‌رزنجی
د.فه‌رید زاهی: له زمانێكه‌وه بۆ زمانێكی دی، مه‌كری وه‌رگێڕان و گه‌مه‌ی مانا
فازل سامر: وه‌رگێڕان له نێوان وردبوونه‌وه له ده‌ق و وردبوونه‌وه له ئه‌ویدی
ڕفعه‌ت سه‌لام: وه‌رگێڕانی شیعر، وه‌رگێڕانی رۆح
عبدالستار به‌یزانی: وێنه‌ی ئه‌ویدی له‌وه‌رگێڕاندا، پۆست شۆڕشی په‌یوه‌ستكاری
پانێلی دووه‌م: 11.30 تا 12.45
به‌رێوه‌ه‌به‌ری پانێل: د.نه‌وزاد ئه‌حمه‌د ئه‌سوه‌د
سه‌عد محه‌مه‌د ڕه‌حیم: وه‌رگێڕانی ئه‌ویدی و ساته‌وه‌ختی ونبووی ڕۆشنگه‌ری
سه‌ڵاح ئه‌لوه‌دیع: وه‌رگێڕان وه‌ك بریارلێدانێك له ئه‌ویدی و جیاوازی
ئیكرام عه‌بدی: وه‌رگێڕان و ئیشكالییه‌تی كولتوورویستی
ئه‌حمه‌د ئه‌لشه‌هاوی:چامه زمانی كۆكراوه‌ی ده‌ریا و شه‌یۆلی مرۆڤه‌كانه
دیداری دوای نیوه‌ڕۆ- كات 3.30
پانێلی: بابه‌ته فارسییه‌كان
به‌ڕێوه‌به‌ری پانێل: مه‌ریوان هه‌ڵه‌بجه‌یی
- محه‌مه‌د محه‌مه‌د عه‌لی: كولتوور له ڕوانینێكی تره‌وه
- مه‌هدی غه‌برایی: رۆڵی ئه‌ده‌بیات له په‌یوه‌ندییه كولتورییه‌كندا
- عه‌لی نه‌جات عه‌لی: دیارده‌ناسی نه‌فره‌تی ڕه‌گه‌زی
- ڕه‌زا عابد: شكۆی شه‌هاده‌تی رۆشنبیری
- محه‌مه‌د قاسمزاده: لێكۆڵینه‌وه‌یه‌ك ده‌رباره‌ی شاعیری ئێرانی نوێخواز نیمایۆشیج
كوردستان تیڤی/ كامه‌ران حاجی
کۆمێنت (0)
تا ئێستا هیچ کۆمێنتێک نەکراوە.