رووسیا : دوو فڕۆکه‌ی ئیسرائیلی بۆردومانی فڕۆکه‌خانه‌که‌ی سوریایان کردووه‌

رووسیا ئاشكرای ده‌كات كه‌ دوو فڕۆكه‌ی ئیسرائیلی  له‌ ئاسمانی لوبنانه‌وه‌ بۆردومانی فڕۆكه‌خانه‌ی  T4ی سوریان كردووه‌.

به‌ پێی هه‌واڵێكی میدیا رووسییه‌كان وه‌زاره‌تی به‌رگری رووسیا رایگه‌یاندووه‌: بێ ئه‌وه‌ی بێنه‌ ئاسمانی سووریاوه‌ ، دوو فڕۆكه‌ی ئیسرائیلی له‌ جۆری F- 15  هه‌شت مووشه‌كیان ئاراسته‌ی فڕۆكه‌خانه‌ی  T4ی سوریا كردووه‌‌و له‌ ئاسمانی لوبنانه‌وه‌ ئه‌و كاره‌یان ئه‌نجامداوه‌.

وه‌زاره‌تی به‌رگری رووسیا ده‌شڵێ: هێرشه‌كه‌ له‌ كاتژمێر 3:25 خوله‌كی به‌ره‌به‌یانی ئه‌مڕۆ تا 3:53 خوله‌ك به‌رده‌وامی هه‌بووه‌.

دوای بۆردومانی فرۆكه‌خانه‌ی سوریا ئه‌مریكا به‌و كاره‌ تۆمه‌تبار كرا، به‌ڵام هه‌ر زوو وه‌زاره‌تی به‌رگری ئه‌مریكا ئه‌و ده‌نگویانه‌ی ره‌تكرده‌وه‌.

ئاماده‌كردنی: رزگار