شای‌ ئیسپانیا له‌ یاریه‌که‌ی‌ بارسێلۆنا ئاماده‌ ده‌بێت

بڕیاره‌ ڕۆژى شه‌ممه‌ى داهاتوو  به‌روارى 21-4-2018  كاتژمێر 10:30 شه‌و به‌كاتى هه‌ولێر یاری كۆتایی جامى شاى ئیسپانیا له‌یاریگاى واندا میترۆ پۆلى له‌مه‌درید له‌نێوان بارسێلۆنا - سێڤیا به‌ڕێوه‌بچێت 
به‌پێى ڕاگه‌یاندراوى یه‌كێتى تۆپى پێى ئیسپانیا فلیپى شه‌شه‌م شاى ئیسپانیا له‌یاری كۆتایی جامى شا ئاماده‌ ده‌بێت به‌و مه‌به‌سته‌ى كه‌له‌كۆتایی یاریه‌كه‌ نازناوى جامى شا پێشكه‌ش به‌یانه‌ى براوه‌ بكات و ڕێزیان لێبنێت

بارسێلۆنا له‌كاتێك ئه‌م یاریه‌ ئه‌نجامده‌دات له‌چامپیۆنس لیگ كراوه‌ته‌ ده‌ره‌وه‌ى پاش شكستیان له‌یاری گه‌ڕانه‌وه‌ له‌قۆناغى هه‌شت له‌به‌رامبه‌ر ڕۆما به‌هۆى ئه‌نجامى یاریه‌كه‌ كه‌دووچارى بوو  ماڵئاوایی له‌خوله‌كه‌ كرد ، بارسێلۆنا له‌ئه‌گه‌رى براوه‌بوونى له‌جامى شا ده‌بێته‌ پاڵه‌وانى جامه‌كه‌ بۆ جارى 30 یه‌مین 

شوان عه‌زیز