هونه‌رمه‌ندی شێوه‌كاری كورد " حه‌مه هاشم " له ئه‌ڵمانیا پێشانگایه‌كی تایبه‌تی بۆ كاره هونه‌رییه‌كانی خۆی كرده‌وه .
رۆژی چوارشه‌ممه رێكه‌وتی 18/4/2018 به هاوكاری سه‌نته‌ری لالش له هۆڵی لالش زێنتروم له شاری بێلیفێڵد له ئه‌ڵمانیا، پێشانگایه‌كی تایبه‌ت بۆ كاره هونه‌رییه‌كانی هونه‌رمه‌ند " حه‌مه هاشم " كرایه‌وه كه تێیدا ( 30 ) تابلۆی قه‌باره هاوشێوه‌ی 70 سم به 33 سم نمایشكرا .
هونه‌رمه‌ندی شێوه‌كار " به‌ختیار سه‌عید " له‌سه‌ر پێشانگاكه قسه ده‌كات و ئاشكرایده‌كات ،حه‌مه هاشم ده‌ربڕی كێشه قوڵه‌كانی مرۆڤه، به تایبه‌ت كه‌سایه‌تی تاكی كورد كه به هۆی شه‌رو ئاشوبی زۆره‌وه دوچاری شپرزه‌یی ده‌روونی و له ده‌ستدانی هیواكانی بووه بۆ ژیان ، وتیشی له‌به‌ر ئه‌وه‌یه "حه‌مه هاشم " هه‌وڵی داوه له رێگه‌ی فیگه‌ره ته‌نهاكانیه‌وه دووباره ئه‌وه‌مان بۆ پیشان بداته‌وه و په‌یامێكیش به جیهان بدات .
جێی باسه سه‌رجه‌م كاره‌كانی ئه‌م هونه‌رمه‌نده له‌سه‌ر شێوازی ئه‌بستراكتی ده‌ربرینخوازی ئه‌نجامدراوه و خواستی نمایشی جوانبه‌خشی و ئیستاتیكی له تابلۆكانیدا فه‌رامۆش نه‌كراوه .
کۆمێنت (0)
تا ئێستا هیچ کۆمێنتێک نەکراوە.