رێبه‌رانی هه‌ردوو كۆریای باكوور و باشوور رۆژی هه‌ینی له‌كاتی دیداره‌كه‌یان له‌گه‌ڵ یه‌كتردا رێككه‌وتن له‌سه‌ر ئه‌وه‌ی كه نیمچه دوورگه‌ی كۆریا بكه‌ن به شوێنێكی داماڵراو له چه‌كی ئه‌تۆمیی و هه‌روه‌ها هه‌وڵبده‌ن بۆ دامه‌زراندنی ئاشتیی و ئارامییه‌كی ریشه‌دار و پته‌و له نێوان وڵاته‌كانی خۆیان.
كیم جونگ ئین و مون جای ئین رێبه‌رانی كۆریای باكوور و باشوور ئه‌وه‌شیان ئاشكرا كرد كه حه‌ز ده‌كه‌ن دیدارێك له‌گه‌ڵ سه‌رۆك كۆماری ئه‌مریكا یان سه‌رۆك كۆماری چین بكه‌ن تا رایبگه‌یه‌نن كه جه‌نگی نێوان هه‌ردووك وڵات كۆتایی پێهاتووه و به‌نیازن ئاشتییه‌كی هه‌میشه‌یی رابگه‌یه‌نن.
كیم جونگ ئین له كۆتایی دیداره‌كه‌دا وتی كه هه‌ردوو وڵات ده‌بێ هه‌وڵی خۆیان بخه‌نه‌گه‌ڕ تا رابردووی پڕ كاره‌ساتی نێوانیان دووباره نه‌بێته‌وه.
سه‌رچاوه / رادیۆ فه‌ڕه‌نسا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.