ئه‌مڕۆ چوارشه‌ممه 9 - 5 - 2018 كاتژمێر 10:30 شه‌و به‌كاتى هه‌ولێر ، له‌یاریه‌كى دواخراوى خولى پله‌یه‌كى ئیسپانیا له‌هه‌فته‌ى 34 ، سێڤیا میواندارى ریال مه‌درید ده‌كات .
ئێواره‌ى ئه‌مڕۆ سێشه‌ممه زێدان راهێنه‌رى ریال له‌كۆنگره‌یه‌كى ڕۆژنامه‌وانیدا ئه‌م چه‌ند لێدوانانه‌ى دا بۆ ڕۆژنامه‌نووسانى ئاماده‌بوو :
بۆ یاریه‌كه‌ى سێڤیا ئاماده‌ین ، هه‌وڵمان براوه‌بوونه له‌یاریه‌كه بتوانین سێ خاڵى یاریه‌كه به‌ده‌ست بهێنین ، وه‌بۆ ئه‌م یاریه یاریزانانمان ئاماده‌ن ، ته‌نیا هه‌ندێك یاریزانمان پێویستیان به‌پشووه ، بۆیه به‌شدارنابن له‌یاریه .
زێدان : ڕۆناڵدۆ یاریزانى دیار و ئه‌ستێره‌ى یانه‌كه‌مان پێكانى هه‌یه به‌شدار نابێت وه‌ك له‌ڕاگه‌یاندراوى پێشووى ده‌سته‌ى پزیشكى یانه كه ماوه‌ى پێكانه‌كه‌ى بۆ 10 ڕۆژه به‌ڵام بۆ یاری كۆتایی چامپیۆنس لیگ ئاماده‌یه له‌گه‌لمان .
زێدان له‌باره‌ى یاری كۆتایی خولى یانه پاڵه‌وانه‌كانى ئه‌وروپا ڕایده‌گه‌یه‌نێت : یانه ئینگلیزه‌كان باش ده‌زانن بجه‌نگن ، لێڤه‌رپولیش یانه‌یه‌كى باشه و قۆناغى باش و ئاستێكى به‌رزى نیشانداوه له‌یاریه‌كانى پێشووى له‌خوله‌كه ئه‌وان بۆ یاریه‌كه هاوشێوه‌ى ئێمه خۆیان ئاماده‌ده‌كه‌ن ، وه ئێمه به‌باشى خۆمان ئاماده ده‌كه‌ین له‌پێناو براوه‌بوونمان
زێدان له‌سه‌ر ڕووداوه‌كانى نێو یاری كلاسیكۆ ڕایگه‌یاند : بینیمان سواێز چى ئه‌نجامدا له‌كاتێك داوه‌ر نه‌یبینى و بارسێلۆنا به‌هۆیه‌وه گۆلى دووه‌مى تۆمار كرد
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.