ئێواره‌ى ئه‌مرۆ شه‌مه هێزێكى سه‌ر به‌لاهور شێخ جه‌نگى هێرش ده‌كاته سه‌ر گردى زه‌رگه‌ته كه‌باره‌گاى سه‌ره‌كى بزووتنه‌وه‌ى گۆڕانى لێیه ، بزووتنه‌وه‌كه داواى له‌نێچیرڤان بارزانى كردووه بێته سه‌ر هێڵ و هێرشه‌كه‌ى سه‌ریان ڕابگرێت كه‌له‌ئێستادا گردى زه‌رگه‌ته به‌هێزێكى چه‌كدارى زۆره‌وه گه‌مارۆ دراوه
نێچیرڤان بارزانی، سەرۆك وەزیرانی هەرێمی كوردستان، لە پەیامێكدا داوا دەكات هێرشكردنە سەر مەكۆی سەرەكیی گۆڕان له سلێمانى ڕابگیرێت.
ئەمە دەقی پەیامەكەیە:
زۆر دڵتەنگین بەرامبەر تێكدانی ئارامیی شاری سلێمانی، بۆ ئەو مەبەستە داوا دەكەین دەستبەجێ تەقەكردن لە بارەگای حیزبەكان لە سلێمانی ڕابگیرێت و هێزە ئەمنییەكان بەرپرسیارێتیی خۆیان ئەنجام بدەن و بارەگا و بنكەی هەموو لایەنەكان بپارێزن.
هەموو لایەنەكان پێویستە دان بەخۆیاندا بگرن و لە ڕێگەی یاسایییه‌وه سكاڵاكانیان بگەیه‌ننە كۆمسیۆنی سەربەخۆی هەڵبژاردنەكانی عێراق لەسەر هەر گومانێك كە لە ئەنجامەكانی هەڵبژاردن هەیانە و بە هەموو شێوەیەك ڕەچاوی هێمنی و ئاسایشی كۆمەڵایەتیی خەڵكی سلێمانی بكەن.
نێچیرڤان بارزانی
سەرۆك وەزیرانی هەرێمی كوردستان
12/5/2018
کۆمێنت (0)
تا ئێستا هیچ کۆمێنتێک نەکراوە.