به‌پێى هه‌واڵێكى سپوتنیك دوێنى چوارشه‌ممه 23ى ئایارى 2018، مایك پۆمپیۆ بۆ كۆنگرێس ڕوونكردنه‌وه‌یه‌كى داوه كه وڵاته یه‌كگرتووه‌كانى ئه‌مریكا درێژه ده‌داته هه‌وڵه‌كانى به مه‌به‌ستى بێهیواكردنى توركیا له كڕینى (400-S) چه‌كى سیسته‌مى به‌رگرى روسى.
پۆمپیۆ هه‌روه‌ها به كۆنگرێسى وتوه ئێمه به‌رده‌وام ده‌بین له كاركردن تا توركه‌كان بهێڵینه‌وه له شوێنێك كه ئه‌وان هه‌رگیز چه‌كى (400-S) یان به‌ده‌ست نه‌كه‌وى، و من باوه‌ڕم هه‌یه كه هێشتا چه‌كى سیسته‌مى به‌ڕگریان نییه و ئێمه ئومێده‌وارین توركیا هه‌رگیز خاوه‌نداریتى چه‌كى (400-S) نه‌بێت.
هاوكات پرسیاریكیان ئاراسته‌ى مایك پۆمپیۆ كردبوو ده‌رباره‌ى چه‌كى (F-35s)، داخوا وه‌زاره‌تى ده‌ره‌وه‌ى ئه‌مریكا بڕیارێكى ده‌كردبوو ده‌رباره‌ى كڕینى توركیا بۆ چه‌كى (F-35s)، له وڵامدا پۆمپیۆ وتویتى من هیچ بڕیارێكم ڕانه‌گه‌یاندووه.
جیى ئاماژه‌یه توركیا و روسیا پێشتر ڕێككه‌وتنێكیان ئه‌نجام دا بۆ جێگیركردنى سیسته‌مى (400-S) له‌سه‌ر سنووره‌كانى توركیا له‌لایه‌ن روسیاوه، ئه‌م سیسته‌مه به پێشكه‌وتووترین سیسته‌مى به‌رگرى دژه مووشه‌كى ئاسمانى داده‌نرێت و ده‌توانرێت ئاڕاسته‌ى مووشه‌ك له دوورى 600 كیلۆ مه‌تر بدۆزیته‌وه و تێكیبشكێنیت.
وه‌رگێڕانی/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.