دۆناڵد ترامپ سه‌رۆكی كۆماری ئه‌مریكا 24 كاتیژمێر دوای هه‌ڵوه‌شاندنه‌وه‌ی واده‌ی دیداره پێشبینی كراوه‌كه‌ی خۆی له‌گه‌ڵ كیم جونگ ئون رێبه‌ری كۆریای باكوور، رۆژی رابردوو رایگه‌یاند: سه‌رباری ئه‌وه‌ش كه واده‌كه هه‌ڵوه‌شاوه‌ته‌وه، به‌ڵام چه‌ندینجار گفتوگۆ له‌مباره‌یه‌وه له‌گه‌ڵ به‌رپرسانی كۆریای باكوور كراوه و له‌و گفتوگۆیانه به‌رده‌وام ده‌بین.
دۆناڵد ترامپ جه‌ختی كرده‌وه كه ئه‌وان به‌ڕاستی خوازیاری ئه‌نجامدانی ئه‌و دیداره‌ن و ئێمه‌ش هه‌ر خوازیارین. هه‌روه‌ها كۆریای باكووریش رایگه‌یاند ئاماده‌یه بۆ نه‌هێشتنی ناكۆكییه‌كانی نێوان خۆیان و ئه‌مریكا.
جێگری وه‌زیری ده‌ره‌وه‌ی كۆریای باكووریش وتی: ئێمه بۆ رێزی زۆر له ده‌ستپێشخه‌ریی و نیاز پاكیی سه‌رۆك كۆماری ئه‌مریكا ده‌گرین و دووباره‌ی ده‌كه‌ینه‌وه كه بۆ نه‌هێشتنی ناكۆكییه‌كان له هه‌موو كات و به هه‌مو شێوه‌یه‌ك ئاماده‌ین هه‌نگاو بنێین.
سه‌رچاوه / رادیۆ فه‌ڕه‌نسا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.