سەرچاوەیەكی ئەمنی لە كەركوك رایگەیاند كە هێزەكانی هاوپەیمانی نێودەوڵەتی لە رێگەی فرۆكە جەنگیەكانییەوە هێرشی كردە سەر ژمارەیەك چەكداری تیرۆریستی داعش لە باشووری رۆژئاوای شاری كەركووك و لە ئاكامدا ژمارەكیان كوژران .
بەپێی سەرچاوەكانی هەواڵ ، فرۆكە جەنگیەكانی هاوپەیمانان چەند گورزێكی بۆ سەر ئامانجەكانی تیرۆریستان وەشاند لە ناوچەی رەشاد باشووری رۆژئاوای شاری كەركووك بە هەماهەنگی لە گەڵ تیپی پێنج و تیپی پۆلیسی ئیتیحادی .
هێرشە ئاسمانیەكانیش بووە هۆی كوژرانی ژمارەیەك لە چەكدارانی تیرۆریستی داعش و تێكدانی مۆڵگەكانیان كە خۆیان تێیدا حەشاردابوو .
پێشتریش حەیدەر عبادی فەرماندەی گشتی هێزە چەكدارەكانی عێراق رایگەیاندبوو كە لە 9ی مانگی كانوونی یەكەمی ساڵی 2017 تەواوی خاكی عێراق لە ژێر دەستی داعش ئازاد و كۆنترۆڵ كرا .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.