خانمه هونه‌رمه‌ندی وێنه‌كێش " ناسك عومه‌ر " خاوه‌نی زیاتر له دوو هه‌زار وێنه‌یه و له داهاتووشدا پلانی هه‌یه به تابلۆی جیاواز پێشانگای تایبه‌ت بكاته‌وه .
ئه‌م هونه‌رمه‌نده ئاشكرایده‌كات جگه له كاغه‌ز به شێوه‌یه‌كی جیاواز وێنه له‌سه‌ر به‌رد و گوڵ و ته‌خته و لاستیك ده‌كێشێت ، وتیشی پلانی هه‌یه له داهاتوودا پێشانگا بكاته‌وه و هه‌ر كاریگه‌رییه‌كی " كولتووری ، مرۆیی ، سروشت و پێكه‌ژیان " كه له ژیانی ئه‌ودا بوونیان هه‌بێت ، بیان كات به تابلۆ و بیرۆكه‌كان له تابلۆ بنه‌خشێنێت و جوانی ژیان له وێنه‌كان ده‌رببرێت .
ناسك سه‌ره‌تای كاری هونه‌ری ده‌گه‌رێته‌وه بۆ ساڵی 2012 كه ئه‌م كات له ته‌مه‌نی 16 سالیدا بوو ، به 120 وێنه‌ی جۆراوجۆر له‌م قه‌تابخانه‌ی تێیدا ده‌یخوزێند له پێشانگایه‌كدا به‌شدار بوو ، پێشانگای دووه‌می ناوبراو به بۆنه‌ی رۆژی جیهانی ژن بوو له كونسولگه‌ی فه‌ره‌نسا له 8/3/2018 كه به ژماره‌یه‌ك وێنه تێیدا به‌شدار بوو كه هه‌مووی گوزارشت بوون له سه‌ر مافی ژن ، سێیه‌م پێشانگای ئه‌م هونه‌رمه‌نده به‌شداریكردنی بوو له فێستیڤاڵێك به ناوی " ده‌ستخۆش " ، له‌م پێشانگایه‌دا كاره‌كانی زیاتر ئه‌م نه‌خشانه بوون كه له‌سه‌ر به‌رد كێشابووی .
جێی باسه "ناسك عومه‌ر " له شارۆچكه‌ی شه‌قلاوه له دایك بووه و دانیشتووی شاری هه‌ولێره ، له ئێستادا قوتابی قۆناغی دووی زانكۆی ئه‌مریكی _ سلێمانییه له به‌شی بازرگانیی .
کۆمێنت (0)
تا ئێستا هیچ کۆمێنتێک نەکراوە.