لە یارییەکی دۆستانەدا به‌رازیل سه‌رکه‌وتنى به‌سه‌ر کرواتیا تۆمار کرد

ئێواره‌ى رۆژى یه‌ك شه‌ممه‌ 3ى حوزه‌یرانى 2018 ، له‌میانى به‌ڕێوه‌چوونى یاری دۆستانه‌ى نێوان هه‌ڵبژارده‌كان ، له‌پێناو ئاماده‌كاریان بۆ یاریه‌كانى جامى جیهانى كه‌به‌رواری 14 - 6 - 2018 یاریه‌كان ده‌ست پێده‌كه‌ن ،  له‌یاریگاى ئانفێڵد تایبه‌ت به‌یانه‌ى لێڤه‌رپول هه‌ردوو هه‌ڵبژارده‌ى به‌رازیل و كرواتیا به‌یه‌ك گه‌یشتن

كوڕانى هه‌ڵبژارده‌ى به‌رازیل توانیان یاریه‌كه‌ له‌به‌رژه‌وه‌ندى خۆیان به‌كۆتا بێنن به‌ئه‌نجامى دووگۆلی بێ به‌رامبه‌ر ، گۆله‌كان له‌ڕێگاى هه‌ردوو یاریزان نه‌یمار و فێرمینیۆ له‌خوله‌كه‌كانى 69 ، 93 تۆمار كرا 

یاریه‌ دۆستانه‌كانى هه‌ڵبژارده‌ى به‌رازیل له‌به‌رامبه‌ر هه‌ڵبژارده‌كانى دیكه‌دا درێژه‌ى هه‌یه‌ له‌پێناو ئاماده‌كاریه‌كى باش ، ڕۆژى 10 ى 6 - 2018 ، به‌رازیل له‌دووه‌م یاری دۆستانه‌ى له‌به‌رامبه‌ر هه‌ڵبژارده‌ى نه‌مسا یاری ده‌كات 
 

شوان عه‌زیز