له‌درێژه‌ى به‌رێوه‌چوونى یاری دۆستانه‌ى هه‌ڵبژارده‌كان ، بریاره رۆژى شه‌ممه‌ى داهاتوو 10 ى حوزه‌یرانى 2018 ، به‌بۆنه‌ى ناساندنى قودس به‌پایته‌ختى ئیسرائیل هه‌ڵبژارده‌ى ئیسرائیل میوانداری هه‌ڵبژارده‌ى ئه‌رجه‌نتین بكات ، پێشتر ئیسرائیل رایگه‌یاند بوو ئه‌و یاریه دۆستانه‌یه به‌بۆنه‌ى ئه‌وه‌یه كه‌قودس كراوه‌ته پایته‌ختمان بۆیه له‌یاریه‌كى دۆستانه‌دا میواندارى ئه‌و هه‌ڵبژارده‌یه ده‌كه‌ین و ته‌واوى خه‌رجیه‌كانى هه‌ڵبژارده‌كه له‌ئه‌ستۆ ده‌گرین ، بڕیاری به‌ڕێوه‌چوونى یاری دۆستانه‌ى نێوان هه‌ردوو هه‌ڵبژارده‌دا كاردانه‌وه‌ى توندى به‌دواى خۆیدا هێناوه به‌جۆرێك ، چەند رۆژێک به‌ر له‌ئێستا سەرۆکی یەکێتی تۆپی پێی فەلەستین داوای لە ئەرجەنتین کرد ئەو یاریە ئه‌نجامى نه‌ده‌ن و هه‌ڵیوه‌شێننه‌وه ، له‌ئه‌گه‌ری پابه‌ند بوونیشتان ئه‌وا ئێوه‌ش ده‌ستان له‌و تاوانانه‌دا هه‌یه كه ئیسرائیل بەرامبەر بە فەلەستین دەیکات ، له‌ئێستاشدا یەکێتی تۆپی پێی ئیسرائیل ھۆشداری داوه بە ئەرجەنتین ئەگەر پابه‌ند نه‌بن به‌ئه‌نجامدانى یاریه دۆستانه‌كه ئه‌وا داوای قەرەبوو دەکەین به‌بڕی نزیکەی ملیۆنێک و چوارسەد ھەزار یۆرۆ ،به‌پێى هه‌واڵى میدیاكانى ئه‌رجه‌نتینیش ھەریەک لە میسی و ھیگواین و ماسیکرانۆ داوایان کردووە ئەو یاریە ئەنجام نەدرێت و ئەوان بەشدار نابن ،ئه‌م بڕیاره‌ش بووه‌ته كێشه به‌جۆرێك سەرۆک کۆماری ئەرجەنتین لە پەیوەندیەکی تەلەفۆنی بە بنیامین ناتینیاھۆی راگەیاندووە کە داوای لێبوردن دەکه‌ین له‌و یاریه‌دا ناتوانین به‌شدار بین ، هه‌وڵى زۆریشمان داوه له‌گه‌ل یاریزانان به‌ڵام نه‌مانتوانیوه سه‌ركه‌وتووبین له‌ڕازی كردنیان ، بۆیه ئه‌گه‌ری زۆره ئه‌و یاریه دۆستانه ئه‌نجام نه‌درێـت و هه‌ڵوه‌شێته‌وه
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.