له وه‌رزی هاویندا كه كه‌ش و هه‌وا زۆر گه‌رمه ته‌نیا شتێك كه تێنویه‌تی مرۆڤ بشكێنێت به تایبه‌ت ئه‌و كه‌سانه‌ی كه كاری كرێكاری و گران ئه‌نجامده‌ده‌ن ، شله‌مه‌نییه سارده‌كانه به تایبه‌ت ئاوی سارد .
راسته كاتێك له دوای خواردنه‌وه‌ی ئاوێكی سارد ئه‌ندامانی له‌ش هه‌ست به حه‌سانه‌وه ده‌كات به تایبه‌ت له دوای هیلاكی مرۆڤه‌كان ، به‌لام زۆریك له ئێمه تاكه ئێستا دركمان به زیانه‌كانی ئه‌م ئاوه سارده نه‌كردووه بۆ ته‌ندروستیمان ،بۆیه به پێویستمان زانی له‌م چه‌ند خاڵانه‌ی خواره زیانه‌كانی ئاوی سارد بخه‌ینه روو :
1- ئاوی سارد هۆكارێكی سه‌ره‌كییه بۆ قه‌بزی ،له‌به‌ر ئه‌وه‌ی بۆ ماوه‌یه‌كی زۆر خواردن له ریخۆڵه ده‌هێلێته‌وه ،پێچه‌وانه‌ی ئه‌وه پله‌ی گه‌رمی ژووره‌كه‌ت یارمه‌تیده‌رێكی باشه بۆ كرداری هه‌رس كردن .
2- خواردنه‌وه‌ی ئاوی سارد هۆكاره به وشكی پێست و زیانیش به شێداری له‌ش ده‌گه‌یه‌نێت ،پێویسته ئه‌و ئاوه‌ی ده‌یخۆینه‌وه هه‌مان پله‌ی گه‌رمی پێست بێت بۆ ئه‌وه‌ی له‌ش و پێست شێدار بكات .
3- ئاوی سارد ده‌بێته نه‌مانی وزه‌ی له‌ش ،چونكه جه‌سته بۆ به‌كارهێنانی وزه پێویستی به ئاوێكه نزیك بێت له پله‌ی گه‌رمی له‌ش .
4- زیانێكی دیكه‌ی ئاوی سارد ئه‌وه‌یه كه لێدانی دڵ كه‌مده‌كاته‌وه ، ره‌نگه ببێته روودانی حاله‌تی نه‌خوازراو ، هه‌روه‌ها هۆكارێكه بۆ هه‌وكردنی قورگ و لووت .
5- هۆكارێكه بۆ ئێشانی سك ، چونكه زیان به گه‌ده ده‌گه‌یه‌نێت و ئه‌و خواردنه‌ی ده‌یخۆین گه‌ده ناتوانیت هه‌رسی بكات ، هه‌روه‌ها هۆكارێكه بۆ سه‌ر ئێشه ، چونكه كار ده‌كاته سه‌ر مێشك و بربره‌كانی له‌ش .
6- زیان به كرداری هه‌رس ده‌گه‌یه‌نێت و ده‌بێته هۆی كۆكردنه‌وه‌ی چه‌وی له له‌ش .
کۆمێنت (0)
تا ئێستا هیچ کۆمێنتێک نەکراوە.