به پێی هه‌واڵێكی به‌غداد پۆست كه له‌سه‌ر زاری سه‌رچاوه‌یه‌كی ئه‌منی پارێزگای موسڵ گواستویه‌تییه‌وه، هه‌ندێك تیمی هه‌ڵگرتنه‌وه‌ی ته‌رم له شاری موسڵی كۆن ته‌رمی یه‌ك چه‌كداری داعش به 5 هه‌زار دۆلار ده‌فرۆشنه‌وه كه‌سوكارییان.
به پێی وته‌ی سه‌رچاوه ئه‌منییه‌كه كه بۆ ئه‌و میدیا عێراقییه قسه‌ی كردووه: له ئێستادا لایه‌نه ئه‌منییه‌كان ده‌ستیان به لێكۆڵینه‌وه كردووه‌و ده‌یانه‌وێ بزانن كێ له‌پشت ئه‌و كارانه‌دایه.
هه‌روه‌ها سه‌رچاوه‌كه ئه‌وه‌شی روونكردۆته‌وه كه هه‌ندێك سه‌ره‌داو ده‌ست كه‌وتوون كه به‌رپرسانی پارێزگاكه كار ئاسانییان بۆ كڕین و فرۆشتنه‌كه كردووه.
هه‌ر به پێی سه‌رچاوه‌كه نرخی ته‌رمه‌كان له نێوان 2 هه‌زار تا 5 هه‌زار دۆلاره‌و گرانی نرخه‌كه‌ش بۆ گرنكی ته‌رمه‌كه ده‌گه‌ڕێته‌وه.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.