ئێواره‌ى رۆژى هه‌ینى 15ى حوزه‌یرانى 2018 ، له‌یاریه‌كانى كۆمه‌له‌ى دووه‌م له‌جامى جیهانى 2018 كه‌له‌وڵاتى روسیا به‌ڕێوه‌ده‌چێت ، هه‌ردوو هه‌ڵبژارده‌ى ئیسپانیا و پورتوگال رووبه‌رووی یه‌ك بوونه‌وه .
ئه‌نجامى یاری نێوان هه‌ردوو هه‌ڵبژارده به‌یه‌كسان بوون به‌سێ گۆل بۆ هه‌ردوولا به‌كۆتا هات ، له‌یاریه‌كه‌دا ڕۆناڵدۆى پورتوگالى توانى هاتریك تۆمار بكات ئاستێكى به‌رز نیشان بدات ئه‌مه‌ش هۆكارێك بوو له‌وه‌ى بتوانێ سێ گۆل له‌به‌رامبه‌ر ئیسپانیا تۆمار بكات ، دوای یاریه‌كه‌ش به‌باشترین یاریزانى یاریه‌كه ده‌ست نیشانكرا .
له‌و یاریه‌دا دی خییا گۆلپارێزى ئیسپانیا دوای ئەو ھەڵە کوشندەیەی لە گۆڵی دووەمی پوروتوگال ئه‌نجامى دا ، له‌ئێستادا له‌تۆڕه كۆمه‌ڵایه‌تیه‌كان و پێگه وه‌رزشیه‌كان دووچارى ڕه‌خنه‌یه‌كى زۆر بووه‌ته‌وه و به‌شێوه‌یه‌ك گاڵته به‌ناوبراو ده‌كرێت له‌سه‌ر هه‌ڵه‌كانى كه‌ئه‌نجامى دا له‌یاریه‌كه ، سێرجۆ رامۆسى كاپتنى هه‌ڵبژارده‌ى تۆپى پێى ئیسپانیا له‌هه‌ژمارى خۆی له‌توێته‌ر په‌یامێك ئاراسته‌ى دیخیا ده‌كات و ڕایده‌گه‌یه‌نێت ، ئەمەی تۆ مانای ھەرەس ھەێنان و روخان نییە ، هه‌ڵسه‌وه به‌شێوه‌یه‌كى باشتر ده‌ست پێبكه‌وه و ئاماده‌به ، هه‌رگیز خۆت به‌ده‌سته‌وه مه‌ده ، تۆ له‌تیپه‌كه‌ى ئێمه باشترینى ، بژی ئیسپانیا
کۆمێنت (0)
تا ئێستا هیچ کۆمێنتێک نەکراوە.