ئێواره‌ى ڕۆژی شه‌ممه ، له‌میانى به‌ڕێوه‌چوونى یاری نێوان هه‌ردوو هه‌ڵبژارده‌ى ئه‌رجه‌نتین و ئایسله‌ندا ، دیگۆ ئارماندۆ ماراندۆنا ئه‌ستێره‌ى دیاری پێشووى تۆپى پێى ئه‌رجه‌نتین كه‌ئاماده‌یی بینینى یاری هه‌ڵبژارده‌كه‌ى بوو ، له‌كاتى یاریدا جگه‌ره‌ى كێشاوه و میدیاكانیش زومى كامیراكه‌یان خستوه‌ته سه‌ر مارادۆنا كه‌په‌یوه‌ست نیه به‌بڕیاره‌كانى فیفاوه له‌كاتێك ڕاگه‌یاندراوه جگه‌ره كێشان له‌نێو یاریگادا ڕێگه پێدراو نیه .
ئه‌مرۆ یه‌ك شه‌ممه 17 ى حوزه‌یرانى 2018 ، مارادۆنا له‌هه‌ژمارى خۆی له‌ئینستگرام ڕایگه‌یاند ، داواى لێبوردن ده‌كه‌م له‌سه‌ر جگه‌ره كێشانم له‌یاریگادا له‌یاریه‌كه‌ى دوێنێدا ، ڕاشیگه‌یاند له‌یاری هه‌ڵبژارده‌كه‌م هه‌ستم به قه‌له‌قی و دودڵی كردووه به تایبه‌ت كاتێك مێسی به پێناڵتی گۆڵه‌كه‌ی نه‌كرد زۆر نیگه‌ران بووم .
مارادۆنا ڕاشیده‌گه‌یه‌نێت یه‌كسان بوونى ئه‌رجه‌نتین له‌یاریه‌كه‌ى دوێنێ ڕۆژێكی سه‌ختبوو كه هه‌ڵبژارده‌كه‌م له یه‌كه‌م ده‌ركه‌وتندا به‌م شێوه‌یه بینرا ، ڕاستییه‌كه‌شی نه‌م ده‌زانی كه جگه‌ره كێشان ڕێگه پێدراو نیه.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.