به گوێره‌ی هه‌واڵی راگه‌یاندنه‌كانی ژاپۆن بومه‌له‌رزه‌یه‌ك به گوڕی 6.1 له‌سه‌ر پێوه‌ری رێخته‌ر پارێزگای ئۆساكای ژاپۆنی هه‌ژاند كه به‌م هۆیه‌وه ژماره‌یه‌ك كه‌س بوونه قوربانیی و چه‌ندین بینای شاره‌كه‌ش زیانیان پێگه‌یشت.
به‌پێی ئاماره‌كانی حكومه‌تی ئه‌م وڵاته، تا ئێستا 3 كه‌س به‌هۆی بومه‌له‌رزه‌كه‌وه گیانیان له‌ده‌ستداوه و به‌لایه‌نی كه‌مه‌وه زیاتر له 200 كه‌سی دیكه‌ش برینداربوونه.
وه‌ك له هه‌واڵه‌كاندا هاتووه ئه‌م بومه‌له‌رزه‌یه نزیكه‌ی كاتژمێر 8ـی سه‌ر له به‌یانی ئه‌مڕۆ دووشه‌ممه به كاتی ناوچه‌كه له قوڵایی 10 كیلۆمه‌تریی ژێر زه‌وییه‌وه ئه‌م شاره‌ی هه‌ژاندووه.
به‌هۆی ئه‌م رووداوه‌وه، گه‌شتی شه‌مه‌نده‌فه‌ره زۆر خێراكانی ناوچه‌ی ئۆساكا راگیراون تا به‌مجۆره رێگریی له روودانی كاره‌ساتی دڵته‌زێن بكرێت.
سه‌رچاوه / رادیۆ فه‌ردا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.