ئه‌ندریا سێلڤا هێرشبه‌رى هه‌ڵبژارده‌ى تۆپى پێى پورتوگال له‌لێدوانى بۆ میدیاكان ڕایگه‌یاند ، یاری داهاتوومان له‌به‌رامبه‌ر هه‌ڵبژارده‌ى مه‌غریب ئاسان نیه ، به‌ڵكو یاریه‌كى قورسه ده‌بێت هه‌موو هه‌وڵێك بده‌ین له‌پێناو براوه‌بوون و سه‌ركه‌وتن بۆ ئه‌وه‌ى هه‌نگاوێك ببڕین تابتوانین سه‌ركه‌وین بۆ قۆناغى داهاتوو .
ڕۆژى چوارشه‌ممه‌ى داهاتوو 20 - 6 - 2018 ، كاتژمێر 3:00 ئێواره به‌كاتى هه‌ولێر هه‌ڵبژارده‌ى پورتوگال له‌دووه‌م یاری له‌كۆمه‌ڵه‌كه‌ى رووبه‌رووی هه‌ڵبژارده‌ى مه‌غریب ده‌بێته‌وه ، پورتوگال له‌یاری پێشووی له‌به‌رامبه‌ر ئیسپانیا دووچارى یه‌كسان بوون هات به‌ئه‌نجامى سێ گۆل بۆ هه‌ردوولا ، هه‌ڵبژارده‌ى مه‌غریبیش له‌یاری پێشووی له‌به‌رامبه‌ر ئێران دووچارى شكست هات ، بۆیه مه‌غریب به‌دوای سه‌ركه‌وتن داده‌گه‌ڕێت ده‌یه‌وێت له‌به‌رامبه‌ر پورتوگال ژماره‌یه‌كى قورس بێت تا دووچارى دووه‌م شكستى له‌سه‌ر یه‌ك نێت ، وه‌له‌به‌رامبه‌ردا پورتوگال هه‌موو هه‌وڵێك ده‌دات له‌م یاریه سه‌ركه‌وتوبێت له‌پێناو هه‌نگاونانى بۆ قۆناغى داهاتوو
هه‌ڵبژارده‌كانى ئیسپانیا ، پورتوگال ، ئێران ، مه‌غریب ، له‌كۆمه‌ڵه‌ى دووه‌مى جامى جیهانى 2018 ى ڕووسیان ، ڕیزبه‌ندیه‌كه‌ش له‌ئێستادا به‌م شێوه‌یه
1- ئێران 3 خاڵ
2- ئیسپانیا 1 خاڵ
3- پورتوگال 1 خاڵ
4- مه‌غریب 0 خاڵ
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.