کۆنگرێسی ئەمەریکا یاسای فرۆشتنی فڕۆکەی جەنگی ئێف 35ی پەسەند کرد و بەگوێرەی یاساکەش تورکیا مافی ئەوەی نییە ئەو فڕۆکە پێشکەووتوە بکڕێت .
رۆژنامەی حوڕیەتی تورکی بڵاویکردەوە، کۆنگرێسی ئەمەریکا بەزۆرینەی دەنگ پرۆژە یاسای دەسەڵاتی بەرگری نیشتمانی پەسەند کرد و تورکیاش وەک ئەوەی پێشبینی کرابوو لە لیستی ئەو وڵاتانە هێنرایه ده‌ره‌وه کە دەتوانن فڕۆکەی ئێف 35 بکڕن .
شیاوی ئاماژه‌پێدانه تورکیا بەهۆی زیندانیکردنی قەشەیەکی ئەمەریکی بەتۆمەتی تیرۆر و سوووربوونی له‌سه‌ر کڕینی سیستەمی بەرگری مووشەکی ئێس 400ی ڕوسی مافی ئەوەی لێسەندرایەوە کە ببێتە خاوەن فڕۆکە جەنگییە پێشکەوتووەکە .
هه‌روه‌ها کۆنگرێسی ئەمەریکا کڕینی سیستەمی ئێس 400ی ڕوسی لە لایەن تورکیاوە بە هەڕەشە بۆ سەر هاوپەیمانەکانی (ناتۆ) وەسفکرد و چەند جارێک داوای لە ئەنقەرە کردووە خۆی دووربگرێت لە کڕینی ئه‌و سیسته‌مه مووشه‌كییه .
کۆمێنت (0)
تا ئێستا هیچ کۆمێنتێک نەکراوە.