گه‌شته ئاسمانییه‌كانی كۆمپانیای SunExpressی نێوان دیاربه‌كر و ئه‌ڵمانیا ده‌ستیپێكرد.
گه‌شته‌كان له نێوان دیاربه‌كر و هه‌ریه‌ك له فرانكفۆرت، دوسڵدۆرف و هانۆڤه‌ر ئه‌نجامده‌درێن و یه‌كه‌مینی ئه‌و گه‌شتانه‌ش له فرانكفۆرته‌وه ئه‌نجامدرا.
ئه‌و فڕۆكه‌یه‌ی كه له شاری فرانكفۆرته‌وه فڕیبوو له فڕۆكه‌خانه‌ی دیاربه‌كر نیشته‌وه. فڕۆكه‌كه به پرژاندنی ئاو له تانكه‌ره‌كانه‌وه، پێشوازیی لێكرا. دواتر گوڵ به‌سه‌ر سه‌رنشینه‌كانی فڕۆكه‌دا دابه‌شكرا.
حه‌سه‌ن گۆكپنار ، جێگری پارێزگاری دیاربه‌كر له لێدوانێكدا بۆ رۆژامه‌وانان، ئاماژه‌ی به‌وه‌كرد، ئومێده‌واران گه‌شته ئاسمانییه‌كان رۆڵی به‌رچاویان له به‌ره‌وپێشبردنی ئابوورییدا هه‌بێت و هه‌فتانه سێ گه‌شت ئه‌نجامده‌درێن و ره‌نگه گه‌شتی ئاسمانیی بۆ ژماره‌یه‌ك وڵاتی دیكه بكه‌نه‌وه.
کۆمێنت (0)
تا ئێستا هیچ کۆمێنتێک نەکراوە.