خاوه‌نی كۆمپانیای مایكرۆسۆفت ناوی " بیل گه‌یتس " ه و ته‌مه‌نی 63 ساڵه ، سامانه‌كه‌ی له سه‌رووی 90 ملیار دۆلاری ئه‌مریكییه .
منداله‌كانی گه‌یتس تا ته‌مه‌نیان نه‌گه‌یشته 14 ساڵ له لایه‌ن باوكیانه‌وه رێگه‌یان پێنه‌درا ته‌له‌فۆن و سمارت فۆن به‌كاربهێنن ، له ئێستاشدا زۆر به‌كه‌می رێگه‌یان پێده‌دات ڤیدیۆ گه‌یم و تابلێت و شاشه زیره‌كه‌كان به‌كاربهێنن .
گه‌یتس خێزانه‌كه‌ی سه‌رپشك كردووه له به‌خشینی سه‌روه‌ت و سامانه‌كه‌ی بۆ كاری خێرخوازی ،له ئێستادا رێكخراوێكی خێرخوازی داناوه و تا ئێستا نزیكه‌ی 28 ملیۆن دۆلاری داوه به پرۆژه‌ی خێرخوازی ، ئه‌مه جگه له به‌خشینه‌كانی گه‌یتس خۆی .
ئه‌م پیاوه به خێرخواز ناسراوه به تایبه‌ت له بواری منداڵ و ته‌ندروستی منداڵ ، چاوی زۆر له‌سه‌ر منداڵانی ئه‌فریقایه ، به هۆی یه‌كێك له پرۆژه‌كانی خه‌ریكه نه‌خۆشی مه‌لاریا له ئه‌فریقیا به كۆتا دێت كه ساڵانه خه‌ڵكێكی زۆری به تایبه‌ت منداڵانی ده‌كوشت له‌م وڵاته .
یه‌كێك له قسه‌كانی ئه‌م پیاوه خێرخوازه ئه‌وه‌یه كه ئه‌لێت ، مایكرۆسۆفت سه‌رچاوه و پانه‌ره‌كه‌ی بۆ ئه‌وه نییه چاوچنۆك و به ته‌ماع بم و بمه‌وێت پاره‌یه‌كی زۆرتر كۆبكه‌مه‌وه ،به‌لكو پاڵنه‌ره‌كه‌ی ئه‌وه‌یه ئه‌مه‌وێت هه‌میشه داهێنان بكه‌ین و خزمه‌ت بكه‌ین .
دوا زانیاری له‌سه‌ر " بیل گه‌یتس " ئه‌وه‌یه كه خوێنه‌رێكی زۆر باشه و به‌رده‌وام ده‌خوێنێته‌وه .
تێك ئای
کۆمێنت (0)
تا ئێستا هیچ کۆمێنتێک نەکراوە.