له لێدوانێكیدا گوته‌بێژی لقی هه‌ولێری كۆمیسیۆنی عیراق له باره‌ی جیاكردنه‌وه‌ی ده‌نگه‌كانی هه‌ڵبژاردنی 12/5/2018 ی په‌رله‌مانی عێراق به ده‌ست، به سه‌ته‌لایتی كوردستانی ڕایگه‌یاند : تا ئێستا جیاكردنه‌وه‌ی ده‌نگدان به ده‌ست ده‌ستی پێنه‌كردووه و هیچ میكانیزمێك دیار نیه كه چۆن جیا ده‌كرێته‌وه.
ڕاشیگه‌یاند: له رێگای هه‌ندێك سه‌رچاوه‌وه به‌ده‌ستمان گه‌یشتووه كه ده‌نگه‌كان هه‌مووی له به‌غدا جیا ده‌كرێته‌وه به‌ڵام به‌فه‌رمی له‌و باره‌یه‌وه هیچ نوسراوێكمان بۆ نه‌هاتووه.
هه‌روه‌ها ڕاشیگه‌یاند: له ئێستادا ئێمه چاوه‌رێین بزانین به‌غدا چی بڕیارێك ده‌دات ئه‌گه‌ر بێت و ده‌نگه‌كان لێره جیابكرێنه‌وه پێویسته به‌غدا كارمه‌ندمان بۆ دابمه‌زرێنن بۆ جیاكردنه‌وه‌ی ده‌نگه‌كان به ده‌ست، وه یان ئه‌گه‌ر ده‌نگه‌كان ده‌به‌نه‌وه به‌غدا نوسراوی ره‌سمیمان بۆ بنێرن.
گوته‌بێژی ئۆفیسی كۆمسیۆنی هه‌ولێر ڕاشیگه‌یاند: بۆ زیاتر خۆ ئاماده‌كردن و هه‌ستیاری دۆخه‌كه ئۆفیسی هه‌ولێر بڕیاری داوه كه رۆژانی شه‌ممه ده‌وامی ئاسایی ئۆفیس ده‌بێت بۆ هه‌موو كارمه‌ندان كه له پێشتردا له‌م رۆژه پشوو بووه.
کۆمێنت (0)
تا ئێستا هیچ کۆمێنتێک نەکراوە.