ئه‌نجامى نافه‌رمی هه‌ڵبژاردنى په‌رله‌مانى و سه‌رۆكایه‌تى كۆماری توركیا راگه‌یه‌ندرا و تیایدا ئاكپارتى سه‌دا 42.41ی ده‌نگه‌كانی به‌ده‌ستهێناوه و جه‌هه‌په سه‌دا 22.75 و هه‌ده‌په 11.41 و مه‌هه‌په 11.18 و هه‌روه‌ها ئی پارتی سه‌دا 10.8 و پارتی سه‌عاده‌ت سه‌دا 1.35 و هه‌روه‌ها پارته‌كانی دیكه 0.81 ده‌نگه‌كانیان به‌ده‌ستهێناوه.
كاندیده‌كانیش بۆ پۆستی سه‌رۆك كۆماری توركیا به‌م شێوه‌یه بوو ره‌جبه ته‌یب ئه‌ردۆغان سه‌دا 52.54ی ده‌نگه‌كانی به‌ده‌ستهێناوه و موحه‌ره‌م ئینجه سه‌دا 30.77 و سه‌ڵاحه‌ددین ده‌میرتاش سه‌دا 8.2 و میراڵ ئاكشنه‌ر سه‌دا 7.4 و ته‌مه‌ل كه‌رامۆڵا ئۆغلۆ سه‌دا 0.89 و دوۆڵ پرینچه‌ك سه‌دا 0.2ی ده‌نگه‌كانیان به‌ده‌ستهێناوه.
هه‌روه‌ها هاوپه‌یمانی ئاكپارتی و مه‌هه‌په پێكه‌وه سه‌دا 53.59ی ده‌نگه‌كانیان به‌ده‌ستهێناوه و هاوپه‌یمانی میلله‌تیش كه له جه‌هه‌په و ئی پارتی و پارتی سه‌عاده‌ت پێك دێت سه‌دا 34.19ی ده‌نگه‌كانیان به‌ده‌ستهێناوه، كه به‌پێی ئه‌و ئه‌نجامانه ئه‌ردۆغان و پارته‌كه‌ی زۆرینه‌ی ده‌نگه‌كانی سه‌رۆكایه‌تی كۆمار و هاوپه‌یمانێتییه‌كه‌ی زۆرینه‌ی په‌رله‌مانی به‌ده‌ستهیناوه.
کۆمێنت (0)
تا ئێستا هیچ کۆمێنتێک نەکراوە.