پێکھاتەی نێوان ھەردوو ھەڵبژاردەی ئەرجەنتین و نەیجیریا له‌ یاریەکەی ئەمشەودا

 له‌میانى به‌ڕێوه‌چوونى یاریه‌كانى جامى جیهانى 2018 كه‌له‌وڵاتى رووسیا به‌ڕێوه‌ده‌چێت ، له‌كۆمه‌ڵه‌ى چواره‌مى جامه‌كه‌ كاتژمێر 9:00 شه‌و به‌كاتى هه‌ولێر هه‌ردوو هه‌ڵبژارده‌ى  ئه‌رجه‌نتین و نێجیریا له‌سێیه‌م یاریان له‌كۆمه‌ڵه‌كه‌ رووبه‌رووی یه‌ك ده‌بنه‌وه‌ 

هه‌ڵبژارده‌ى ئه‌رجه‌نتین له‌یاری ئه‌مشه‌ویدا هه‌موو هه‌وڵێكى ده‌دات له‌پێناو براوه‌بوونى به‌سه‌ر نێجیریا له‌پێناو په‌ڕینه‌وه‌ى بۆ قۆناغى  16  ،  لەولاشەوە کرواتیا  سه‌ركه‌وتوبێت به‌سه‌ر ئایسله‌ندا وه‌یاخوود یه‌كسان بێت له‌گه‌لی تا بگه‌ن به‌ قۆناغى داهاتوو .

هه‌ڵبژارده‌ى نێجیریاش له‌په‌ڕینه‌وه‌ى بۆ قۆناغى داهاتوو بێ هیوا نه‌بووه‌ ، ده‌رفه‌ت  له‌به‌رده‌م ئه‌م هه‌ڵبژارده‌یه‌ش هه‌یه‌ سه‌ركه‌وتوبێت بۆ گه‌یشتنى به‌قۆناغى  16 به‌هۆی ئه‌وه‌ى  هه‌ڵبژارده‌كه‌ خاوه‌ن سێ خاڵه‌ و به‌یه‌كسان بوونى له‌به‌رامبه‌ر ئه‌رجه‌نتین  ده‌توانێ سه‌ركه‌وێت بۆ قۆناغى داهاتوو . 

   
پێگه‌ وه‌رزشیه‌ جیهانیه‌كان پێشبینى ده‌كه‌ن پێكهاته‌ى هه‌ردوو هه‌ڵبژارده‌كه‌ له‌یاری ئه‌مشه‌ودا به‌م شێوه‌یه‌ بێت 
 
پێکھاتەی ئەرجەنتین  
 ئارمانی  
 تاگلیافیکۆ - ئۆتامێندی - میرکادۆ - سالڤیۆ  
 ماسکیرانۆ - پێرێز - بانێگا  
 دی ماریا - ھیگواین - میسی  
 
پێکھاتەی نەیجیریا  
 یۆزۆھۆ 
 بالۆگیۆن - ئیکۆنگ - ئۆمێریۆ 
 ئیبۆھی - نیدیدی - جۆن ئۆبی میکێل -  ئیتیبۆ - مۆسیس  
 ئەحمەد موسا - ئییاناشۆ

شوان عه‌زیز