راگه‌یاندنه‌كانی توركیا ده‌ڵێن ژماره‌یه‌ك رۆژنامه‌نووسی رۆژنامه‌ی " زه‌مان " به تاوانی ده‌ست هه‌بوون له كوده‌تاكه‌ی 2016 به تاوانبار ناسراون و سزای زیندانیان به‌سه‌ردا سه‌پێنراوه.
به‌گوێره‌ی راگه‌یاندنه‌كانی توركیا، شاهین ئاڵپای و عه‌لی بۆڵاچ كه دوو رۆژنامه‌نووسی به‌ناوبانگی ئه‌م وڵاته‌ن، هه‌ركامیان به 2 ساڵ و 9 مانگ زیندان سزا دراون و دادگا ئه‌وانی به هۆی ئه‌وه به تاوانبار ناسیوه كه گوایه ئه‌ندامی گروپێكی تیرۆریستین.
شایه‌نی باسه رۆژنامه‌ی زه‌مان كه یه‌كێك له رۆژنامه زۆر به‌ناوبانگه‌كانی توركیا، ساڵی 2016 مۆڵه‌تی كاركردنی لێسندرایه‌وه و ده‌وترێت په‌یوه‌ندییه‌كی نزیكی له‌گه‌ڵ فه‌تحوڵڵا گوله‌ن هه‌یه كه خودی ناوبراو به داگیرسێنه‌ری ئاگری كوده‌تاكه‌ی 2016ـی ئه‌م وڵاته داده‌نرێت.
سه‌رچاوه / بی بی سی
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.