به‌وێنه‌ ... درێسه‌که‌ى ڕۆناڵدۆ له‌به‌رده‌م یاریگاى یۆڤانتۆس ده‌فرۆشرێت

ئه‌مڕۆ دووشه‌ممه‌ 9 ته‌موزی 2018 ،  پێگه‌ وه‌رزشیه‌كانى ئیتاڵیا و زۆرێك له‌سه‌رچاوه‌كانى دیكه‌ى وه‌رزشى بڵاویان كردوه‌ته‌وه‌ ، كه‌درێسى كریستیانۆ ڕۆناڵدۆ كه‌ژماره‌ 7ى یانه‌ى یۆڤانتۆسى له‌سه‌ره‌ به‌شێوه‌یه‌كى به‌ربڵاو له‌به‌رده‌م یاریگای یۆڤی دانراوه‌ بۆ فرۆشتن 

سه‌رچاوه‌ هه‌واڵیه‌ وه‌رزشیه‌كانى ئیتاڵیا ڕاشیده‌گه‌ێنن ڕۆناڵدۆ بۆ یۆڤی ته‌واو بووه‌ ، هه‌موو شت به‌كۆتا هات ته‌نیا ڕاگه‌یاندنى ماوه‌ ، وێنه‌كانى له‌به‌رده‌م یاریگا و یانه‌ نوێكه‌یدا ئاماژه‌یه‌كى ڕوونه‌ له‌په‌یوه‌ندی كردنى ئه‌و ئه‌ستێره‌یه‌ به‌یانه‌ ئیتاڵیه‌كه‌ 

له‌لایه‌كى دیكه‌وه‌ ڕۆژنامه‌ى ماركای ئیسپانی ڕایده‌گه‌ێنێت سبه‌ى سێشه‌ممه‌  10 ى 7 ى 2018  پێرێزی سه‌رۆكى یانه‌ى ڕیاڵ مه‌درید  ڕۆیشتنى ڕۆناڵدۆ له‌ڕیزه‌كانى یانه‌دا ڕاده‌گه‌ێنێت 

هه‌واڵی په‌یوه‌ندی كردنى ڕۆناڵدۆ به‌یانه‌ى یۆڤانتۆسى ئیتاڵیه‌وه‌ بووه‌ته‌ سه‌ردێری ڕۆژانه‌ى ڕۆژنامه‌كانى جیهان ، ئه‌وه‌ى تا ئێستا باسى لێوه‌ده‌كرێت ته‌نیا قسه‌ى نێو ڕۆژنامه‌كانه‌ هیچ شتێكى فه‌رمى له‌لایه‌ن هه‌ردوو یانه‌ى یۆڤی و ڕیاڵ مه‌دریده‌وه‌ نه‌وتراوه‌ ، به‌پێى هه‌واڵی ڕۆژنامه‌كانى ئیتاڵیا و ئیسپانیاش بێت ئه‌و یاریزانه‌ بۆ یۆڤی یه‌كلا بووه‌ته‌وه‌ و وه‌رزى داهاتوو له‌ڕیزه‌كانى ڕیاڵ مه‌درید نابیندرێت 

شوان عه‌زیز