پارتی دیموکراتی گەلان "ھەدەپە" لە وەڵامی دوورخستنەوەی زیاتر لە 18 ھەزار فەرمانبەر لە تورکیا رایگەیاند" ئەردۆغان دەیەوێت سزای ئەو کەسانە بدات کە دەنگیان پێنەداوە.
ھەدەپە لە راگەیەندراوێکدا دەڵێت" 3 رۆژنامە و کەناڵی تەلەفزیۆنی و 12 کۆمەڵە داخراون و ئەندامانی سەندیکاکان لە کەرتی تەندروستی و خزمەتگوزاری کۆمەڵایەتی لە "تبلس" و ئەندامانی سەندیکای پەروەردە لە "شانلی و ئۆرفا و ماردین و تبلس و وان و مێرسین" دوورخراونەتەوە.
ئاماژە بەوەش دەکات، ئەو مەرسومەی حکومەتی تورکیا بۆ دوورخستنەوەی ھەزاران فەرمانبەر لە رۆژی 4ی حوزەیرانی رابردوو ئامادە کراوە و پارتی داد و گەشەپێدانی دەسەڵاتدار دەیەوێت ئەو فەرمانبەرانە دوور بخاتەوە کە لەگەڵ پارتەکەدا نین و ئەو ھەڵمەتەش ھێشتا کۆتایی پێنەھاتووە و ئەردۆغانیش دەیەوێت سزای ئەو کەسانە بدات کە دەنگیان پێنەداون.
کۆمێنت (0)
تا ئێستا هیچ کۆمێنتێک نەکراوە.