ئه‌مڕۆ له‌قۆناغى پێش کۆتایی مۆندیال هه‌ردوو هه‌ڵبژارده‌ى فه‌ره‌نسا و به‌لژیکا رووبه‌رووی یه‌ک ده‌بنه‌وه‌

ئه‌مڕۆ سێشه‌ممه‌ 10 ى ته‌موزی 2018 ،  له‌قۆناغى پێش كۆتایی جامى جیهانى 2018 كه‌له‌وڵاتى ڕووسیا به‌ڕێوه‌ده‌چێت ، كاتژمێر 9:00 شه‌و به‌كاتى هه‌ولێر هه‌ردوو هه‌ڵبژارده‌ی فه‌ره‌نسا و به‌لژیكا رووبه‌رووی یه‌ك ده‌بنه‌وه‌

هه‌ڵبژارده‌ى فه‌ره‌نسا له‌قۆناغى هه‌شتى جامه‌كه‌ به‌براوه‌بوونى به‌سه‌ر ئۆرۆگوایی گه‌یشته‌ ئه‌م قۆناغه‌ ، له‌یاری ئه‌م شه‌ویشى له‌به‌رامبه‌ر به‌لژیكا به‌و نیه‌ته‌  یاری ده‌كات له‌پێناو براوه‌بوون و په‌ڕینه‌وه‌ى بۆ یاری كۆتایی 

له‌به‌رامبه‌ردا هه‌ڵبژارده‌ى به‌لژیكا به‌هۆی سه‌ركه‌وتنى به‌سه‌ر به‌رازیل له‌قۆناغی هه‌شت ، گه‌یشتووه‌ به‌م قۆناغه‌ ئه‌و هه‌ڵبژارده‌یه‌ش له‌یاری ئه‌مشه‌وی له‌به‌رامبه‌ر فه‌ره‌نسا هه‌وڵی بردنه‌وه‌ ده‌دات له‌پێناو چوونى بۆ یاری كۆتایی جامى جیهانى 

شوان عه‌زیز