له وڵاتی ژاپۆن زانایان و لێكۆله‌رانی ئه‌م وڵاته هه‌ڵساون به دروستكردن و به‌رهه‌مهێنانی رۆبۆتێكی زۆر هه‌ستیار به بۆنی سه‌ر زه‌وی ، وه‌كو بۆنی شاراوه له شوێن پێی مرۆڤ شوێن ده‌گرێت .
به گوێره‌ی هه‌واڵێك له" نیو ئه‌تله‌س " بڵاوكراوه‌ته‌وه ، زانایانی بواری ته‌كنۆلۆژیا و لێكۆله‌ران له زانكۆی " كیۆ شۆ " له وڵاتی ژاپۆن توانیویانه نموونه‌یه‌كی سه‌ره‌تایی له رۆبۆتێك به‌رهه‌مبهێنن ، كه ده‌توانێت ئه‌و بۆنه جیاوازانه‌ی له‌سه‌ر زه‌وی به جێماون ، وه‌كو ( بۆنی شاراوه‌ی شوێن پێی مرۆڤ ) شوێن بگرێت .
پێش ئه‌م كاره‌ش بۆ دۆزینه‌وه‌ی بۆن رۆبۆتی دیكه به‌رهه‌مهێنراون ، به‌ڵام زۆربه‌یان بۆ شوێن گرتنی بۆنەكانی ناو هەوان و ئەم ڕەوتە ماوەی زۆر دەخایێنێت، بەڵام ئه‌م رۆبۆته تازه‌یه بۆنەكانی سەر زەوی شوێن دەگرێت و هاوكات بە خێرایی (10) سانتیمه‌تر لە چركەدا دەجووڵێت، ئێستا ئەو هەستپێكەرە دەتوانێت ئێتانۆل شوێن بگرێت .
ئه‌م رۆبۆته توانی له تاقیگه‌كاندا چەند شوێن كە ئێتانۆلی تێدا بوو لە سەر زەوی بدۆزێتەوە ، لێكۆله‌ران هیوای ئه‌وه ده‌خوازن ئه‌م رۆبۆته له دوای گه‌شه‌یدا له بواره جیاوازه‌كانی وه‌كو دابینكردنی ئاسایش به‌كاربهێنرێت .
کۆمێنت (0)
تا ئێستا هیچ کۆمێنتێک نەکراوە.