دوای په‌یوه‌ندی كردنی ڕۆناڵدۆی پورتوگالى به‌ڕیزه‌كانى یانه‌ى یۆڤانتۆس به‌بڕی 105 ملیۆن یۆرۆ بۆ چوار وه‌رز ، ڕۆیشتنى ئه‌ستێره پورتوگالیه‌كه دوای 9 ساڵ له‌یانه‌ى ڕیاڵ مه‌درید ، كاردانه‌وه‌ى به‌لاى یاریزانانى ڕیاڵ مه‌درید و هه‌وادارانى ئه‌و ئه‌ستێره‌یه‌دا هێنا ، یاریزانانى ڕیاڵ مه‌درید هه‌ریه‌كه و به‌په‌یامێكى تایبه‌تى خۆی له‌تۆڕه كۆمه‌ڵایه‌تیه‌كان ماڵئاواییان له‌ڕۆناڵدۆ كرد .
مارسیلۆى به‌ڕازیلى تا ئێستاكه له‌هه‌ژماره‌كانى خۆی له‌تۆڕه كۆمه‌ڵایه‌تیه‌كان ئاماده‌نه‌بووه ماڵئاوایی له‌ڕۆناڵدۆی پورتوگالی بكات و هیچ په‌یامێكى نه‌بووه بۆی ، مارسیلۆى به‌ڕازیلى و ڕۆناڵدۆی پورتوگالى له‌ماوه‌ى ساڵانى به‌یه‌كه‌وه بوونیان له‌ڕیزه‌كانى ڕیاڵ مه‌درید نزیكترین هاوڕێی یه‌كتر بوونه و له‌یاریه‌كانیش ئه‌و هاوڕێیه‌تى و په‌یوه‌ندییه‌یان پێوه دیار بووه .
ڕۆیشتنى ڕۆناڵدۆ له‌ڕیاڵ مه‌درید ، ئه‌ستێره به‌ڕازیلیه‌كه‌ى نیگه‌ران كردووه بۆیه‌ش خاڵێكى سه‌ره‌كیه مارسیلۆ هیچ په‌یامێكى نه‌بووه وه‌ك ماڵئاوایی له‌ڕۆناڵدۆ بیكات دوای ساڵانێك به‌یه‌كه‌وه بوونیان له‌ڕیزه‌كانى ڕیاڵ و ئه‌مڕۆش له‌یه‌ك جیابوونه‌ته‌وه
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.