یه‌كێتى ناوه‌ندى تۆپى پێى كوردستان له‌ڕوونكردنه‌وه‌یه‌كدا كه‌وێنه‌یه‌ك ده‌ست ماڵپه‌رى كوردستان تیڤى كه‌وتووه ، ڕێنمایی تایبه‌ت به‌پاڵه‌وانێتى هه‌ڵبژارده‌ى پارێزگاكانى كوردستان له‌سه‌ر ئاستى تیپه‌كانى لاوان و تازه‌پێگه‌یشتووان به‌م شێوه‌یه ده‌دات :
1- یاریزانانى له دایكبووى 1998 بۆ سه‌ره‌وه له پاڵه‌وانیه‌تی هه‌ڵبژارده‌ى لاوان یارى ده‌كات.
2- یاریزانانى له دایكبووى 2000 بۆ سه‌ره‌وه له پاڵه‌وانیه‌تی هه‌ڵبژارده‌ى تازه‌پێگه‌یشتووان یارى ده‌كات.
3- پێویسته هه‌موو یاریزانانه‌كان، له‌گه‌ڵ یانه‌كانیان به‌شدارییان له خولى لاوان و تازه‌پێگه‌یشتووانى كوردستان كردبێت.
4- هیچ یاریزانێك بۆى نییه له هه‌ڵبژارده‌ى پارێزگاكان یارى بكات، ئه‌گه‌ر ناسنامه‌ى لاوان و تازه‌پێگه‌یشتووانى یه‌كێتى تۆپی پێی كوردستانى نه‌بێت.
5- پێویسته ناسنامه‌ى بارى شارستانى یاریزانه‌كان له هه‌مان پارێزگا ده‌رچووبێت، كه یارى بۆ ده‌كات.
6- پێویسته (راهێنه‌ر ـ یاریده‌ده‌رى راهێنه‌ر ـ راهێنه‌رى گۆڵپارێزان) كارگێرى هیچ یانه‌یه‌ك نه‌بێت.
7- پێویسته (راهێنه‌ر ـ یاریده‌ده‌رى راهێنه‌ر ـ راهێنه‌رى گۆڵپارێزان) بڕوانامه‌ى باوه‌ڕپێكراوى ئاسیایی یان یه‌كێتى تۆپی پێی كوردستانى هه‌بێت.
8- سه‌رپه‌رشتیارى تیپه‌كانى هه‌ڵبژارده‌ى پارێزگاكان، پێویسته ئه‌ندامى یه‌كێتى تۆپی پێی لقه‌كانى كوردستان بێت.
9- هه‌ر یاریزانێك به‌بێ پاساو، داواى بانگهێشتكردنى له لایه‌ن راهێنه‌ر له هه‌ڵبژارده‌ى شاره‌كه‌ى به‌شدارى نه‌كات، سزا ده‌درێت.
10- یارییه‌كان به شێوازى ده‌ركردن به دوو دۆڕان به‌رێوه ده‌چێت.
11- ماوه‌ى یارییه‌كان (80) خوله‌ك ده‌بێت و به‌سه‌ر دوو گێم دابه‌ش ده‌كرێت.
12- چوار گۆڕانكارى بۆ یاریزانان بۆ هه‌ر یارییه‌ك رێگه‌پێدراوه.
13- ئه‌گه‌ر یارى له كاتى یاسایی به یه‌كسانبوون كۆتایی هات، راسته‌وخۆ په‌نا ده‌برێته به‌ر لێدانه‌كانى یه‌كلاكه‌ره‌وه‌ى سزا.
14- ژماره‌ى یاریزانان له لیستى ناوى یاریزانان (كشوفات) ده‌بێت (20) یاریزان بێت.
15- مه‌رجه له‌سه‌ر هه‌ر هه‌ڵبژارده‌یه‌ك چاره‌سه‌ركه‌رى پزیشكى له‌گه‌ڵدا بێت.
16- مه‌رجه له‌سه‌ر هه‌ڵبژارده‌كان، پێش ده‌ستپێكردنى پاڵه‌وانیه‌تی لیستى ناوى یاریزانان و كۆپى ره‌نگاوره‌نگى ناسنامه‌ى بارى شارستانى یاریزانه‌كان، پێشكه‌ش به یه‌كێتى تۆپی پێی كوردستان بكه‌ن.
17- له كاتى یارییدا، به هیچ شێوه‌یه‌ك سه‌رپه‌رشتیارى تیپ بۆى نییه رێنمایی بداته یاریزانه‌كان.
18- یاریزانانى تیپى تازه‌پێگه‌یشتووان بۆى نییه له تیپى هه‌ڵبژارده‌ى لاوان یارى بكات، به پێچه‌وانه‌وه‌یش یاریزانى تیپى لاوان بۆى نییه له هه‌ڵبژارده‌ى تازه‌پێگه‌یشتووان بارى بكات.
19- مه‌رجه له‌سه‌ر هه‌ر هه‌ڵبژارده‌یه‌ك، یاریده‌ده‌رى راهێنه‌رى هه‌بێت.
20- پێویسته له‌سه‌ر هه‌ڵبژارده‌كان رۆژى چوارشه‌م 2018/7/18 كشوفات پێشكه‌ش بكه‌ن.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.