كه‌ناڵى سۆمه‌ریه‌ى عێراقى بڵاوى كرده‌وه ، حكومه‌تى عێراق بڕیاری دا خزمه‌تگوزاری ئینته‌رنێت بۆ ته‌واوى ناوچه‌كانى عێراق بگه‌ڕێندرێته‌وه ، دوای ئه‌وه‌ى له‌ڕۆژانى ڕابردوو به‌هۆی خۆپیشاندانه‌كانى هاوڵاتیان بڕدرابوو .
بڕیاره‌كه‌ى حكومه‌تى عێراق ، هه‌رێمى كوردستانیشى گرتووه له‌ڕۆژانى ڕابردوو كه‌له‌ته‌واوى شاره‌كانى كوردستان هێلى ئه‌نته‌رنێت پچڕا بۆ ماوه‌ی چه‌ندین كاتژمێر .
كه‌ناڵى سۆمه‌ریه‌ى عێراقى ڕاشیگه‌یاند له‌ئێستادا له‌شاره‌كانى عێراق هێلى ئه‌نته‌رنێت كارایه و گه‌ڕێندراوه‌ته‌وه بۆ هاوڵاتیان
خۆپیشاندانه‌كانى هاوڵاتیان له‌پارێزگاكانى به‌سره‌و نه‌جه‌ف و میسان و موسه‌ننا و به‌غدا ، به‌هۆی كه‌مى خزمه‌تگوزاری و خراپى ڕه‌وشى ژیانى هاوڵاتیانى عێراقى به‌ڕێوه‌چوو تێیدا له‌هه‌ندێ ناوچه و شوێنى عێراق به‌هۆی ڕووبه‌رووبونه‌وه‌ى نێوان خۆپیشانده‌ران و هێزه ئه‌منییه‌كان كوژراو برینداری لێكه‌وته‌وه
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.