هونه‌رمه‌ند و فۆتۆگرافه‌ری كورد " دڵدار شه‌نگالی " پێشانگایه‌كی تایبه‌تی به وێنه تراژیدیاكانی ئێزیدییه‌كان له وڵاتی ئه‌ڵمانیا كرده‌وه ، له‌م رێگه‌یه‌وه دیمه‌نه تراژیدیاكانی شاره‌كه‌ی پێشانی ئه‌ڵمانییه‌كات ده‌دات .
ئه‌م هونه‌رمه‌نده ئاشكرایده‌كات ، ئه‌مرۆ شه‌ممه به ئاماده‌بوونی كۆمه‌ڵێك كوردی ئێزیدی و خه‌ڵكی ناوچه‌كه و به هاوكاری شاره‌وانی شاری" فریدریشهاڤنی " ئه‌ڵمانی پێشانگا فۆتۆگرافییه‌كه‌ی له‌و شاره تایبه‌ت به وێنه‌ی تراجیدی ئێزیدییه‌كان كردووه‌ته‌وه .
له‌م پێشانگایه‌دا 20 گرنگترین وێنه‌ی تراژیدی نه‌هامه‌تییه‌كانی كوردانی ئێزیدی نمایش كران ،كه به‌هۆی داعشه‌وه ئاواره و په‌نابه‌ری سه‌ر سنووری توركیا بوون .
دوای ئه‌وه‌ی تیرۆرستانی داعش ده‌ستیان به‌سه‌ر شاری شه‌نگال و ناوچه‌كانی ئێزیدیننشیندا گرت ، دڵدار رووی كرده وڵاتی ئه‌ڵمان و له ئێستادا وه‌ك " هونه‌رمه‌ند ، رۆژنامه‌نووس و فۆتۆگرافه‌ر له‌م وڵاته‌دا كار ده‌كات .
کۆمێنت (0)
تا ئێستا هیچ کۆمێنتێک نەکراوە.